[المقدمة: إسلام كابونجا وميسو ميسرة]
لو طيبتي قلت هيبتي مش لازماني
جراحي قوتني وهكون عدواني
عورت نفسي على الظباط
مظلوم أنا وظلمي مموتني
ليلي ليلي ليلي يا ليلي
فيجو الدخلاوي

[المقطع الأول: إسلام كابونجا]
قاطع وريدي، بهدلت إيدي وجسمي
أنا عندي ربع والباقي بايظ رسمي
ما بشوفش حد، يكفيني صيتي وإسمي
الخوف قتلته وضعفي أصلاً خصمي
صايع قديم وشكل جسمي مخيف
بنام بعين وعين تنام تخاطيف
عورت ياما وحاسبت ع المصاريف
أنا من اللي شفته لكتاب تاريخي بضيف

[المقطع الثاني: ميسو ميسرة]
أخصامي ياما بس نسيت ملامحهم
بس أنا فايقلهم ومستنظرهم
كده كده يعني ربنا مش على كيفهم
واللي هيحصل نصيبي أو نصيبهم
العين صابتني بس اللي فوق نجاني
في ناس إشترتني وناس كانت بايعاني
تخلص حكاية بخش في واحدة تاني
أنا اللي مني يا ناس هو اللي أذاني
[المقطع الثالث: إسلام كابونجا]
لو طيبتي قلت هيبتي مش لازماني
جراحي قوتني وهكون عدواني
أنا لو كتاب يبقى الوجع عنواني
طب ليه هكون شاري في ناس بايعاني
بشوف صورها عشر ساعات يوميًا
ظبطت حياتي، كنت بايظ عاطفيًا
بموت في ضحكتها القمر حرفيًا
معاها بنسى الناس وأرتاح نفسيًا

[المقطع الرابع: ميسو ميسرة]
السكينة مالهاش أصحاب
تغلط هنتعامل أغراب
فاتح لتربتي مليون باب
مستني يجي قابض الأرواح
جراري متسنتر ع الخد
فاتحين يابا وجاهز ع الشد
وأنا دموي باجي مع أيها حد
مصاص دماء، لقبني الدباح

[المقطع الخامس: ميسو ميسرة]
في كويسين لكن خدم في لسانهم
حبوا الخيانة وجريت كمان في عروقهم
ما هو مش هياخدوا زمانهم وزمن غيرهم
ممكن واحد أصغر منهم يكسرهم
أنا عندي أخ تراب رجله يشرفني
هو الوحيد اللي أنا مقدره مني
هو اللي ليا وتملي بيشيل عني
أنا هو رسمي وخصمه طبعًا خصمي
[المقطع السادس: إسلام كابونجا]
أنا عندي أخ شقيقي كمان
متربين مع بعض زمان
فردتي أخش عشانه لومان
ده زميلي روحي ونن عينيا
أموت عشانه، ده توأمي رسمي
كتبت إسمه كمان على جسمي
لو بزعل بيبهدل خصمي
كلمة أخويا عليه دي شوية

[المقطع السابع: ميسو ميسرة]
بدل الكارتة إتنين وتلاتة
مسجون قديم، ليا هناك داتا
جرايمك إنت عاملها في جاتا
سقف الطموح شكله عليك واقع
لاسع وماشي معايا روشتة
خلصت خمسة، بقضي في ستة
ما تخشوا وأنا هعميكو بشرطة
ده أنا ضربي نافذ، جراري قاطع

[المقطع الثامن: ميسو ميسرة]
قطعت جسمي، ماليته خبطات
من النكد ومن الإحباط
عورت نفسي على الظباط
مظلوم أنا وظلمي مموتني
مرشد وزق عليا نسور
عشان شقط إخواته بالدور
أمك جابت منتج وبيور
لو إنت راجل يلا إثبتلي
[الخاتمة: ميسو ميسرة وإسلام كابونجا]
هنا في البحيرة في آوالي وسلاح ناري
باسم تواني، هنا في إحترام إجباري
أجدع عريس، ده عريسنا هو موكا
الفرحة طالعة لعيلة الزغاري
عيلة الزغاري دي أتقل عيلة
الفرد منها يساوي قبيلة
بالإحترام الناس عارفانا
إحنا تاريخ وأسامي تقيلة
العريس يابا قلب إخواته
كل الناس تحلف بحياته
أحلى عريس هو موكا
الأخصام قدامه يابا ماتوا
فارس يا إبني وليه بطولات
بيصد بجسمه الطلقات
الفارس اللي ما فيش منه
هو يا عم سعيد حركات
ميسو ميسرة دباح الغابة
إسلام كابونجا يابا الدبابة
حمو البني ده صوته زلزال
فيجو الدخلاوي هو البابا
كتب كلامنا أحمد حمتو
أحلى إدارة وليد لمبادا