[المقدمة]
ولا ولا إنت وهو بصوا بصوا
هعيش لحالي مش عشانكو
طالما مش ماسكين لسانكو
هي ليه أفعالكو عكس كلامكو؟
بقولك إيه يا فيجو يا دخلاوي
السيد الصغير بيقولهم
لو هتعاملوني بالألغاز
أنا هعاملكو بإستفزاز
يلا أفيجو إبعتهاله هو ومجاله
فيجو الدخلاوي

[اللازمة]
أنا إتحطيت في أمر واقع
طلعت شفت كله صايع
في اللي بيشتموا ع المواقع
واللي بيتعاركوا في أي شارع
وأنا إخترت أكون شرس
وأعيش بقلب مفترس
ما فيش كلام، كلام خلص
هتعمل دكن تتحبس

[المقطع الأول]
ملعوب من المطلوب
لكن مغلوب على أمري
محطوط في خط الموت
وعادي مضحي أنا بعمري
متشاف بصورة مش صورتي
علشان بطلت قسوتي
بس أنا هرجع شراني وعدواني
ومش باقي على نفسي
[اللازمة]
الكينج كينج طول حياته
الكينج الجدعنة نشاطه
الكينج السيد الصغير
الماتادور حبيب إخواته
بيقول للزنكلوني يا شقي
أنا قدرتك حتة مني
عبد الله الزنكلوني قالها
يا سيد إنت خصمك خصمي

[المقطع الثاني]
أنا مين ورايح فين؟
تودي منين الناحية دي؟
قالوا بتودي الزنازين
وحياتك واقفة على القاضي
يا يكون رؤوف بظروفك
يا يخلينا مش هنشوفك
راجعت حسابات ياما
لقيتني كده كده مترازي

[اللازمة]
هعيش لحالي مش عشانكو
طالما مش ماسكين لسانكو
ليه أفعالكو عكس كلامكو؟
قدامي حاجة، في ضهري حاجة
ينفع يا صاحبي تشوفني صيدة؟
وأنا بتعامل بنية بيضا
شتمتني في حتة حديدة
فكده لغيت الصداقة
[المقطع الثالث]
ولحد إمتى سكوت؟
خلاص هنموت والحق ما رجعشي
خلوني أعيش جبروت
عشان طيبتي ما بتنفعشي
مشوني بسلاح في جنبي
خلوني أتحول زومبي
جربت الضيقة والعيشة خنيقة
وما حدش كسر نفسي

[اللازمة]
لو هتعاملوني بالألغاز
أنا هعاملكو بإستفزاز
هكتم على كل الأنفاس
هكسر صيتكو، غصب يا رب
هدومي من دمكو مطلية
لما جيتوا وسحبتوا عليا
أنا نفسي في اللي نفسه فيا
دايمًا بفوز بأي حرب

[المقطع الرابع]
أخصام عاشوا في أفلام
شافوا الإجرام بصورة تانية
وأنا كنت ماشي تمام
لكن خصمت في كل ناحية
أخصامي هنا وهناك
وكل يوم في عراك
أنا مش باقي على بني آدم
ده اللي إتعلمته من الدنيا
[اللازمة]
هينط شاب هيجيب رجلي
في المنطقة اللي عند خصمي
عشان بقاله كتير عايزني
مع إنه عارف بيتي فين
راح قالي واحشني يا خصمي
قلتله أكتر إنت يا قلبي
بنتمسجن على بعض رسمي
ربك عالم بالنيتين

[المقطع الخامس]
حبيت في قلب عبيط
يحب اللي عليه يعيشها
ما تحبش قلب حنين
وواحد شبهي يعيشها
زي أما بعدتي بعدت
ربنا عوضني ببت
عسولة، مخلصة، حاجة متأسسة
بتحبني وأنا بعشقها

[اللازمة]
أنا وأخويا على إبن عمي
وأنا وإبن عمي ع الغريب
وإنت يا أخويا حتة مني
عمر ما صدر منك عيب
مع إحترامي ليكو هو
كل حاجة في حياتي فعلاً
ما بينا وبين بعض إخوة
يا رب نفضل كده دايمًا

[الخاتمة]
ده قلبه من الخوف متهكر
أخصامه بتشوفه بتتنكر
الكينج السيد الصغير
العجمي تتشرف بإسمه
عبد الله الزنكلوني فارس
على أنفاس أخصامه كابس
بيقول هل يوجد من منافس
وأنا هروحله جيهته ألاعبه
إسلام كابونجا ده الدبابة
جندوفلي الأصلي أصلي البابا
فيجو الدخلاوي ماسك سحابة
توزيعه هز الديچيهات
يوسف القناص، مصطفى دولسيكا
ولمبادا إدارة عريكة
إحنا الأساس جوة مجالنا
وصيتنا واصل لأمريكا