[المقدمة]
أوكازيون واللي ما يشتري يتفرج
طول عمري بتألق
أيوة، أنا اللي عايش أسد في وسط قطيع ضباع
وزي ما قال أخوكو الدبابة
رقم واحد في مصر كوتشيكا الغلابة
إبعتهاله في وشي يا فيجو يا دخلاوي
فيجو الدخلاوي

[المقطع الأول]
على حسي مصيت نفسي
وخصمي عمره ما طال جسمي
إذكر إسمي هتخلص رسمي
جرب كده وإسأل عني
بسحب جنب ولاد جيهتي
أنا شاب مشرف منطقتي
بصرف مع إبليس وقتي
والعفاريت بتخاف تواجهني
والعفاريت بتخاف تواجهني

[اللازمة]
وشك لأشق كرشك، إنت هتية وني
تيجي مش هتطلع حي
تروح وزيك زي أخصام جم ياما
كل اللي شادد حيله هشدله وشه
مين هنا سلاحي وحشه؟
تكشوا، ده إنتو بتتغشوا
وقلوبكو يابا جبانة
[المقطع الثاني]
ده إبن باب الشعرية
فادي كوتشيكا في العالمية
إنزل روح وسط البلد
وقول كوتشيكا الغلابة
فزي يا دنيا، إصحي يا بلد
محمد منير تيمو الأسد
الهيبة والهيئة
هو الكينج زعيم العصابة
زعيم العصابة

[المقطع الثالث]
لو الصقر يخاف من البومة
إحنا ما بنخافش خصومة
الأبطال اللي بتتعارك
إتعاركو معانا بحكومة
خدتوا دوركو وجه دورنا
إحنا ما حدش بيطولنا
نتعامل مع جيش طروادة
ونحتل سبارتا بطولنا

[اللازمة]
أنا عندي صاحب جدعنة الدنيا فيه
أصيل، بدمي أفديه
زميلي اللي باقي عليه وباقي عليا
أخ نضيف وقلبه أبيض ودمه حر
ومميزه عن الكل
في المر قبل الحلو واقف جنبيا
[المقطع الرابع]
مهما بقع برجع أقوى
محسوبكو واخد ع القسوة
أنا مش باقي على الدنيا
علشان عارف إنها ولا تسوى
أنا ضهر اللي مالوش ضهر
بعمله وإرمي في البحر
بعمل خير يترد بشر
وعمري ما قصرت في خطوة

[اللازمة]
هل من منافس من بينكو يتقدم؟
من غير ما يتكلم
والباقي يتعلم فن التشكيل
أوكازيون واللي ما يشتري يتفرج
طول عمري بتألق
ربنا يقدرني على فعل الخير

[المقطع الخامس]
عمايلنا شاهدة علينا
بنجيب الجني بإيدينا
في أي حكاية معانا حماية
عمرنا مرة ما جلينا
أعصاب جامدة، قلوب قاعدة
ضهر فولاذ ودماغ فاقدة
أسود مسيطرة ع الأدغال
العدة معانا مستعدة
العدة معانا مستعدة
[اللازمة]
مش واحد، إحنا مية، شلة من الأشقيا
بفتنا يابا دولية
بنعيشوا بالرجولية ونموتوا بكرامة
لينا في كل جيهة صحبة جدعة نزيهة
ناس نتشرف بيها
أصل الرجالة سيرة وأصول وشهامة
وأصول وشهامة

[المقطع السادس]
مسيطرين والسوق سوقنا
في غيابنا قبل حضورنا
رجالة قد كلمتنا
بنقول عمرنا ما إتأخرنا
أسامينا ليها شنة ورنة
في مجالنا ما حدش جالنا
مهما هيعملوا ويجددوا
لسه ما حدش حصلنا
لسه ما حدش حصلنا

[اللازمة]
هبعت رسالة خاصة لحبيب الروح
مكتوبة بالجروح
بقوله ليه بتروح وتغيب عني؟
مش عارفة إنك إنتي أغلى حاجة عندي؟
وصاحبتي وبنتي
أنا بحبك كإنك حتة مني
آه حتة مني

[الخاتمة]
فادي كوتشيكا الرجولية
أسد الغلابة في العالمية
كل الناس تحلف بنزاهته
فادي من باب الشعرية
السيطرة على قديمه
أخويا محمد منير تيمو
چنرال أرض النمسا، ده فارس
مش هتصدوا قصاده
أنا أخويا شيفو والشيفو أبو الجدعان
التقدير والسلكان
وبودي كوتشيكا مشرفني من زمان
سموحة الدولي البرنس المتعامل
الدولي ده المغامر
مروان كوتشيكا السيطرة بشياكة، صيته واصل
كابونجا الدبابة يا مجال
فيجو الدخلاوي توزيعه خيال
ديشا المصري كتب الكلام
وحش الكتابة عامل قلبان
يوسف القناص، مصطفى دولسيكا
ووليد لمبادا أعلى إدارة
إحنا رقم واحد بجدارة