[المقدمة: إسلام كابونجا وكلوشة]
من أول بوابة الغفير
لحد مكتب الوزير
عجارة على صحاب العجارة
حصانة من أي درويلة
بقولكو إيه، كلب صاحب أحسن من صاحب كلب
وأنا اللي ياكل معايا عيش أحارب عشانه جيش
هشش، عشان فيجو الدخلاوي يخش
فيجو الدخلاوي

[اللازمة: إسلام كابونجا]
العبد لله المتواضع
لا عمره خاف ولا جاب راجع
أحكم جيهات وأمسك شوارع
أنا ديكتاتور مش دبلوماسي
هتولع بس بالهداوة
وهترجع أيام الشقاوة
هاخد فردة وأفرض إتاوة
إنسوا المواسي والسياسي

[المقطع الأول: كلوشة وإسلام كابونجا]
بالآلي التوماتيكي نازل
بن لادن راجع بالزلازل
على مدابح ومجازر
دمكو حتى مش هيحل
داخلين معايا في حرب باردة
قلبتهالكو حرب تالتة
وقضيت عليكو في جولة واحدة
سلاحي حامي ودمي حر
عجماوي والأساس دخلاوي
كينج الشوارع والحواري
الريس أحمد الدخلاوي
ناس ياما عايشة على حسه
حمو الدخلاوي أخو العريس
علي الدخلاوي أفخم عريس
فرح الوزير إبن الرئيس
من كل عين يا رب حارسه
[اللازمة: كلوشة وإسلام كابونجا]
ضيعنا فلوس لو متكومة
ندوس عليها نطول السما
بكايتا بنصرف ع الجدعنة
السيرة أطول من المسيرة
إحنا التأشيرة بالإشارة
إدارة فوق أعلى إدارة
عجارة على صحاب العجارة
حصانة من أي درويلة
الصايع اللي يصيع بشياكة
ما حدش يمسك عليه حاجة
كل مرشد مشغل باقة
وبيسلم على اللاسلكي
مظاليم بتدفع التمن
أبطال في السجن بتتدفن
تغفيل ع الأسفلت ودكن
ما بقاش فارق ميري وملكي

[المقطع الثاني: كلوشة وإسلام كابونجا]
ما فيش نظر، فين العيون؟
هو أنا شكلي رد سجون؟
إسمع يا عاقل من مجنون
أنا بدافع عن خواتي
لو على الحبسة يلا خير
هاتوا الكلبش والجنزير
بالنسبالي العنبر أوتيل
ودوني جناح الإنفرادي
من أول بوابة الغفير
لحد مكتب الوزير
باعت تلغرافات كتير
بعمل تظلم وإستئناف
قاعد بعارض من الداخل
ساكن مصلب عضم وهياكل
في الأوضة بحر دم سايل
الموت أهون من اللي بيتشاف
[اللازمة: كلوشة وإسلام كابونجا]
واقف ع النضارة حزين
عنبر صحيلي المساجين
هعنبر وأطرش كلمتين
كلام كإنه سم في بطني
بقول يا لعبة الحياة
المستقبل أهو خسرناه
وخلاص آخر حلم إنتهى
الحب والواجب خطرني
أيام بقت تسد النفس
الكل ع الشر بيعس
عالم عايزين مصلحة بس
واللي عكزنا ده آذانا
دنيا مالناش معاها حظ
من إنتداب لحكم نفس
العيشة مش لازمانا بس
ورانا أرواح محتاجانا

[المقطع الثالث: كلوشة وإسلام كابونجا]
أكشنجية وبتوع مشاكل
نكشنجية في كل الدواير
ماڤيانجية، وقف التعامل
إحنا مش محتاجين حصانة
حاكم محكوم، مجني عليه
معاك يا زمن على إيه؟
إحنا بايعين الدنيا دي
ولسه بندفع الغرامة
وهنعمل إيه؟ الدنيا كده
ما فيش يوم بيعدي بالرضا
ماشية بالعافية والجبرتة
والقانون لا يحمي المغفل
اللي في ضهرك واللي وراك
معاك على قد اللي معاك
تنفع والكل قاصد آذاك
عالم يغيب، دنيا تقفل
[الخاتمة: إسلام كابونجا وكلوشة]
علي الدخلاوي عريسنا، إصحى
هنضرب صندوق رصاص في فرحه
دخلاوي عجماوي أصاحبي
علي الدخلاوي واخد بطولة
حمو الدخلاوي كبير البلد
أخو العريس ضهر وسند
إخوات راجل واحد للأبد
تلاتة مثلث برمودا
أحمد الدخلاوي رياسة رسمي
على قديمه، البند أصلي
الحصانة ريس العجمي
هو أبو يوسف وأبو يونس
جيهة الدخلوة البيت الأبيض
أصغر شاب مشرف ومصيت
دخلاوي إيده يدوس بتخرط
هل يوجد من بينكم منافس؟
ده يوسف أحمد الدخلاوي
ويونس أحمد الدخلاوي
خمسة في عين كل غلاوي
أولاد الريس الملوك
أحمد الدخلاوي قلب الأسد
إبن الأصول، أبو البلد
دخلاوي مسيطر للأبد
إحنا بنعوم عكس الموج
زياد خالد الدخلاوي أدولة
زياد خالد لوحده حملة
خصمه لا قوة ولا حيلة
وصاحبه يا حظه ويا بخته
حمو خالد الدخلاوي يشرف
إذكر إسمه وإنت هتعرف
حمو خالد يفعل ويصرف
تيجي بالأدب تشوف جدعنته
واقف معاه أي حكاوي
محمد فوزي الدخلاوي
تيجي في دكن هتشوف بلاوي
جاي في إحترام تمشي بسلام
عادل محمد الدخلاوي
شرف نفسه برجولة أوي
الترجمان يابا مش هاوي
في الهانوڤيل ظابط الكلام
ستار كلوشة عليكو إتغابى
إسلام كابونجا ده الدبابة
ديشا المصري كتب الكلام
فيجو الدخلاوي هو البابا
إدارتنا ده وليد لمبادا