[المقدمة]
بص، بص، تهيب لنا الهيبة ونحن لا نهاب إلا الله
وهو جرجيرة بيقول للنص لا إله إلا الله
ومع نفسك يا اللي النص كاسر نفسك
وواخد منك أسلحتك
الله يرحم، أما كان موجود ما كناش بنسمعوا حسك
أفيجو يا دخلاوي
النص بيقولك إبعتهاله من السجن
فيجو الدخلاوي

[المقطع الأول]
ما فيش كلام ينفع تقوله
على حد عمل صيت بطوله
كله قدامه يقف إنتباه
كل الأبطال بيقرفصوله
بس الحياة بنت الذينة
كانت حالفة لا تعكنن علينا
الفارس خد حكم كبير
سلام يا فارس المدينة
سلام يا فارس المدينة

[اللازمة]
كان طيب
من كل إخواته قريب
متصنف أخطر مرعب
ولا جه مع ضعيف وإستقرب
ولا إفترى على الناس
بس الشارع
عايز المفتري والصايع
مش عايز اللي يجيب راجع
إسمع وإعمل مش سامع
عليك يابا هيتداس
[المقطع الثاني]
أبو يوسف أرض الجبابرة
الجرجر فارس المجرة
مصطفى جرجيرة يروح في كله
النص جوة وهو برة
النص قال أخويا جرجيرة
ميزته من بين ناس كتيرة
بيقول لا إله إلا الله
ربنا يكفينا شر الغيرة

[اللازمة]
قبضايا
وبصد في أي حكاية
كلها ليها ڤيديو معايا
أخصامي كلها جراية
بيولعوا الأسفلت
ما نسيتش
اللي نصبولي كمين
من فترة أربع سنين
بسلاحي سددت الدين
وبطولي أنا هفنش
وبطولي أنا هفنش

[المقطع الثالث]
أنا عشان واثق في نفسي
مسكت خصمي في إيده سونكي
وخبطته في وشه من الجنبين
وما إتحركتش من ع الكرسي
الثقة في القلوب غريزة
ونفسي في الحياة عزيزة
ماشي بقانون كرامتي كنز
ما أبيعش نفسي لأجل ڤيزا
[اللازمة]
أنا من طبعي
مع حالي بنزل أجيب حقي
مش بحتاج لولاد جيهتي
أنا طول ما في إيدي سكينتي
ببقى ضامن الفوز
أخصامي
وقعوا إتكوموا قدامي
شافوا سكينتي قالوا يا مامي
أنا مطوتي جارحة أسامي
ناس حلوة ليها نفوذ

[المقطع الرابع]
كان نفسي أعيش فيكي يا جيهتي
بس قررت أعيش في ضيقتي
الشغلة معايا مش في الحكم
على جنب واحد أقضي حكمي
الشغلة في اللي مني برة
عايشين في وسط خلق عرة
لو حد قرب من اللي مني
هخرج أولع في المجرة

[اللازمة]
ولا يا إبن أختي
إنت زميلي ومن بختي
إنت العسلية بتاعتي
ربنا يا إبني يقدرني
وأفرحك على طول
إنت الدموي
الصايع اللي مشرفني
في العركة بتسحب جنبي
إنت يا أخويا جوة في قلبي
قلبي عليك مقفول
[المقطع الخامس]
أخويا راح ولم يعود
عشان عدى كل الحدود
١٣ كتير يا أخويا
بس إنت قدها وقدود
السجن مقبرة عتاولة
١٠٠ بطل من كل محافظة
كله بيفرض السيادة
واللي بيفرق ما بينهم جولة

[اللازمة]
يا كويس
بطل ترشد للريس
علشان بتشوفني تقرفص
لو شفتك تاني هنفذ
وعادي زي ما ترسى
شبعان تجريح وإهانة
واللي بتعمله ده خيانة
طز في أيتها حصانة
تخليك يالا تستقوى

[المقطع السادس]
كل سنة وإنتي مراتي
ومنورة ليا حياتي
يا نن عين جوزك يا قمر
معاكي عشت ذكرياتي
كلمة بحبك مش كفاية
يا اللي أنا شحططتك ورايا
عايز أقولك كلمتين
أنا معاكي للنهاية
أنا معاكي للنهاية

[الخاتمة]
مصطفى جرجيرة الكوماندا
أرض أبو يوسف فيها عدة
جرجيرة كاتم الأنفاس
وأي حد غيره أونطة
بيقول النص جاي جاي
النص في القلوب يا باي
أحمد النص الفارس الأول
بيقول لكله أنا لسه حي
إنت في بالي مش ناسيك
وكل شوية أفكر فيك
مروان عبوس أبو الأصول
جرجيرة أخوك زعلان عليك
والتدري قال أنا نفسي فيك
إرجعلي، عايز ألاقيك
طول ما إنت يا سوسا في الدنيا
جرجر مش عايز حاجة من الدنيا
سوسا شبل من ذاك الأسد
السوسا يابا في حتة تانية
إسلام كابونجا ده الدبابة
فيجو الدخلاوي هو البابا
أحلى إدارة وليد لمبادا
دولسيكا ويوسف القناص
إحنا رقم واحد كالعادة