[المقدمة]
جغرافيا جسمي رسمت فيه تلات خرايط
أول خريطة رسمتها بخمس شرايط
الجدع إللي عشانكو إتحبس
وإترمى في الضيفة من غير ونس
كنت كاتم فعلاً ع النفس
بس إستنو أما أرجع تاني
(فيجو الدخلاوي)

[اللازمة]
من صغري عقباوي وعامل كام جريمة
عامل إقامة بسدد أحكامي القديمة
مسجون خطير كاتب على الخصم الهزيمة
دموي وبمشي الخصم أعضائه مش سليمة

[المقطع الأول]
واخد مصلب هنا مخصوص
قاطع شرياني أنا بالموس
أنا مشيت خصمي بالبوص
روحته البيت من غير بالطي
جراري بروحين ناري مسنون
قاطع في وشوش ياما ودقون
ما أنا عارف إن أنا مدفون
وهموت لو عشت في زنزانتي

[اللازمة]
سافف تراب الأرض محبوس في إنفرادي
ما هديتش لسه عملت جوة خمس قواضي
موتني يلا إدفني بالحياة يا قاضي
إديني إعدامين تلاتة والله راضي
[المقطع الثاني]
خوفت الخوف إبن المرة
شاشة الأخصام متكسرة
أنا عارف إن أنا بفترى
بس الدنيا دي عايزاني مافيا
من أجل الصيت حربت جيش
وأما إتصيت حبونيش
على فكرة الصيت ده على مافيش
وأنا يومي بعديه بالعافية

[اللازمة]
جغرافيا جسمي رسمت فيه تلات خرايط
أول خريطة رسمتها بخمس شرايط
والتانية والتالتة بمفعول كيميا بايت
قطعت نفسي من الزعل مخنوق وشايط

[المقطع الثالث]
مخنوق من الغل ومن الأذى
وصحابي ولاد كذا وكذا
كلها معايا مركزة
كلها مرشدة مش سايباني
الجدع إللي عشانكو إتحبس
وإترمى في الضيفة من غير ونس
كنت كاتم فعلاً ع النفس
بس إستنو أما أرجع تاني
بس إستنو أما أرجع تاني
[اللازمة]
سيطرت ع الجيهة ومخزني كله عدة
ومعايا كلب ملبسه سلسلة فضة
وسلاح كويس محترم وعروقه شادة
ومعايا صدادة فيها شوك وسنونها حادة

[المقطع الرابع]
قائد في الجيهة فارس هرم
مسجون صايع ع المحترم
قدامه الأخصام تتهزم
تاجر السعادة أحمد الصونة
يوسف السبع ده جراره غبي
أجدع راجل على كوكبي
فاجر في عراكه وإرهابي
وده عنده مدافع موجودة
إخوات ولآخر عمرنا
بالحب الناس بتحبنا
طول ما إحنا أزمالة مع بعضنا
بنقف قدام الكون كله
جاهزين بسيوف وقت الدكن
والعدة بتطلع ع العلن
نتبرع ليكو ونتسجن
بس إحنا أسود مش بنحلو

[المقطع الخامس]
طب وحشك صوتي وإتنسى؟
طب حسيتي بالنار والقسى؟
مرتاحة من بعدي كويسة؟
ولا البعد ده هد في حيلك؟
إشمعنى البعد وجعني أنا؟
مش عارف أعيش آه وربنا
قلبي لقاله ناس بتحبنا
بس أنا مش قادر أشوف غيرك
(مش قادر أشوف غيرك)
[الخاتمة]
الفارس دموي ودراكولا
أخصامه دي ماتت مقتولة
تاجر السعادة أحمد الصونة
متصيت محبوب برجولة
يوسف السبع ده راجع تاني
والله في غيبتك بنعاني
يوسف السبع يفك الضيقة
من بعدك أنا بقيت وحداني
ده سلاحه متخصص تحزيم
محبوب فاجر ده إنت قديم
قلب إخواته مشرف جيهته
ده فروق الجن أبو سليم
عامل إزعاج للسكان
ضربته نافذ في المليان
حمو التوأم أبو رزان
في الجولة بيطلع كسبان
سكينته ده لو هيشدها
مش هتدوق بقى غير سمها
عمر السبع ده أخطر جارح
ده مجضض أخصامه كلها
فيجو الدخلاوي هو البابا
وكابونجا ده إسمه الدبابة
أحمد حمتو كلامه من دهب
روكا والعفريت ملوك الغابة
أبو مالك راعب الديابة