Fenesta vascia 'e patrona crudele
Quanta sospire m'haje fatto jettare!
M'arde 'sto core comm'a 'na cannela
Bella, quanno te sento annommenare!

Oje piglia la sperienza de la neve!
La neve è fredda e se fa maniare
E tu comme sì tant'aspra e crudele?
Muorto me vide e non me vuò ajutare?

Vorria arreventare 'na picciotta
Co 'na langella a ghire vennenn'acqua
Pe' mme nne jì da chiste palazzuotte
Ohi bella gente mia, chi vò acqua?

Se vota 'no picciotto da llà 'ncoppa:
"Chi è 'sta nenna ca va vennenno acqua?"
E io responno co parole accorte:
"Sò lagreme d'ammore e non è acqua!"