[محمود الليثي]
أنا عم الجيل
ولا ليا بديل
ولا في التوكيل
وإسأل عني
أنا واحد بس
مش عايز حس
بتكلم هس
إسمع مني

[عمر كمال]
من غير شعارات
ولا ولا حوارات
إحنا البابات
وإسأل عنا
هيقولوا إدارات
وأصحاب مطارات
آه يا بغبغنات
ع الفاضي زنة

[محمود الليثي]
إصحوا فوقوا رقم واحد
مش شاغل باله بواحد
بإختصار عليكم راحت
أما أنا لأ
مش هقع طول ما أنا ياض فيها
مش هخلي واحد عليها
إنت عطلان كده ورميها
محتاج زقة
[عمر كمال]
إحنا زي الأهرامات
وإنتوا هري وحوارات
واللي خان زي اللي مات
وإنتوا تستاهلوا
ناس ما عندهاش حبيب
والقريب زي الغريب
أصل العيب ما يكونش عيب
لو من أهله

[محمود الليثي]
أنا بطل السوق
راكب وبسوق
وما فيش مخلوق
يشغل بالي
البابا يا شقيق
أبو قلب جريء
كلكو في الواطي
وإحنا العالي

[عمر كمال]
محسوبكو تقيل
أنا إسمي كفيل
أنا عمري ما أميل
دايمًا ثابت
طول ما أنا موجود
ما لكمش وجود
ما فيكوش مظبوط
كلها خابت
[محمود الليثي]
أنا كينج الشغلانة
ما جتش كده حظ معانا
واللي يجي على هوانا
يابا فوق راسنا
الهلافيت ما لهمش فينا
إحنا نشوط اللي يعادينا
مين يا أبويا يقدر علينا
نشرف ناسنا

[عمر كمال]
أنا مش شايف منافسين
إنتوا فين وإحنا فين
دول شوية هلاسين
سيبك منهم
أنا متصيت عرض وطول
بالرجولة وبالأصول
أنا بفعل مش بقول
وفارق عنهم

[محمود الليثي]
أنا بطل الكون
أنا يا إبني العون
إفهم يا زبون
أنا هظبطكو
سكتي سلكان
مظبوط وتمام
مش أي كلام
فوقوا لحالكو
[عمر كمال]
منكو في كتير
ما لكوش تأثير
وأنا غير الغير
يا عيال كارفة
دايمًا في جديد
وعليكو شديد
جاحد وعنيد
وكلها عارفة

[محمود الليثي]
روح وقول للي مقويك
لو زنقتك هلعب بيك
لما باجي بحط عليك
كاسر عينكو
إنت يا إبني مسدس صوت
إنت من يومك هلفوت
في أي حتة أنا يا إبني بشوط
الله يعينكو

[عمر كمال]
النجاح مش بالكلام
عامل للعويل تمام
وإنت بقى شورت المدام
أنا شاغلكو
فارس لفارس في الميدان
أنا اللي بندبكم كمان
أنا قاهركو من زمان
روحوا لحالكو

[محمود الليثي]
أنا الحراق
مش طالبة نفاق
‫بعمل Come back
ومخوفكم
مش برغي كتير
أنا أصلي كبير
حبة هلاهيل
وهشلفكم

[عمر كمال]
سيبك من دول
أنا قد القول
وإسأل أبو الهول
هيقول عارفه
أما إنت ما فيش
لو تعمل فيش
هتروح ما تجيش
آخرك عارفه

[محمود الليثي]
قول للي مشجعك
خدتك أنا مش هرجعك
ياض ما حدش ينفعك
إسمع مني
كومبارسات حبة كرتون
وتعملي يا واد شمشون
زي الحية بألف لون
إبعدوا عني

[عمر كمال]
أبو السيد كينج المجالات
بطل واقف ع الثبات
بالدليل والإثباتات
ده رقم واحد
أبو السيد سيطرة من النار
جاي بيلعب ع الأوتار
هو فعلاً كينج الكار
علشان جامد