[المقدمة: مصطفى الجن وهادي الصغير]
ضرب الحكومة مش عيب وحرام
العيب تجلي ضرب الأخصام
إتنين بجد لازم يترازوا
مش أحل المزقوق والمحدوف
ياو، أمجد الجوكر

[هادي الصغير]
مش فارقة، ترسي مطرح ما هترسي
بايع القضية ومضحي بنفسي
إنذار أخير، يا أخصامي إحترسي
على سكتي يوم في طريق ما تجوش
أنا أي نكشة صعب أعديها
أيام حياتي متبرع بيها
الحبسة جاية وأنا مستنيها
طب يلا، يا مرحب بالكلابوش

[مصطفى الجن]
عايزينها يدوي، بسلاح، مش فارقة
أنا مش شاغلني سكينة ولا طلقة
لو فيكوا جرأة فضولنا طرقة
والجولة هتحكم مين سندال
أنا فيس تو فيس طالبكم، تعالولي
إنتو بفريقكو وأنا هاجي بطولي
بتمنى مرة على سكة تجولي
ما بلاش تكريت، وروني أفعال
[هادي الصغير]
لو فيها موتي ما بسيبش أنا حقي
بنفذ اللي يطلع من بوقي
الكلمة واحدة، صدقني يا شقي
أنا كلها شاهدالي بالأفعال
أنا خصمي من مكالمة بيتجاب
في غيابي حتى معمولي حساب
أنا مش شبهكم، أنا مش كداب
ولا بعمل عقلي بعقل عيال

[مصطفى الجن]
على مين هتيجوا تعملوا حلوين؟
أنا مش المشابك، أنا مش الصين
عبد العليم سويفي يا كارفين
ده البابا عمود كردان جهته
ع الأرض إمتى أشوفه يا سجان؟
أنا حبس أخويا خلاني تعبان
إدعوا لعلاء سويفي يا جدعان
من تاني ينور منطقته

[هادي الصغير]
من الآخر الإرشاد عارف ناسه
كل اللي خانوا دغري هيتداسوا
إتنين بجد لازم يترازوا
مش أحل المزقوق والمحدوف
أنا عارف إني حارق أشكالكو
ما بعتمدش دايمًا أمثالكو
أنا ع الملأ يا هلس بقولهالكو
اللعب معايا على المكشوف
[مصطفى الجن]
ضرب الحكومة مش عيب وحرام
العيب تجلي ضرب الأخصام
خلي اللي زاولك يشوف إجرام
وطالما على حق ما تستناش
ربنا وحده اللي واخد الروح
طب يلا ويا روح ما بعدك روح
مين جاي؟ باب العراك مفتوح
اللي هيجي هسكنه إنعاش

[هادي الصغير]
مالناش قوانين يا زميلي تحكمنا
قدام تملي جايبين من يومنا
مطاريش، في بحر المشاكل عومنا
وشعارنا يا مرحب بالإجرام
مين في البلد دي بيحدد لينا؟
تترن لو جيت تسوقها علينا
أتخن ما فيها ولا يملا عينينا
مش معتمدين أسامي وأرقام

[مصطفى الجن]
أصحاب بلدنا والكل عارف
أبطال، ما فيش في شيلتنا كارف
أصغر ما فينا وياكو صارف
ما عليكو بالباقي، إنكشونا بس
ثابتين وجود ولسه بصحتنا
ما فيش سلاح بيدخل حتتنا
هتموتوا لو جيتوا على سكتنا
ما بنعتمدش تكريت ولا جس
[هادي الصغير]
ما بقتش شايف أنا حد أساسي
أقرب ما ليا عملوني ملياسي
عن نفسي يابا فاكر مش ناسي
مواقفكم في الحفظ وفي الصون
ما لقيتش حد ينفعلي زميل
كل الصحاب نشاطها التغفيل
أنا من صحابي يابا شايف الويل
كلها بسهولة بتبيع وتخون

[مصطفى الجن]
مرض الكورونا خد وقته وراح
مرض الصفار ما لاقيينله لقاح
أصحاب بتعشق الإستلواح
ما بقتش بشوف واحد فاهمان
يا زميلي ما تبطل إستعباط
أنا مش كويتي ولا من الإمارات
إسلك يا عم، بطل حوارات
ولا إنت ما تعرفش السلكان؟

[الخاتمة: هادي الصغير ومصطفى الجن]
عبد العليم سويفي ده مظبوط
هتجيله على سكة وقتي تموت
وعلاء سويفي في حديد محطوط
إدعوا لربنا يفرجها عليه
أسد وسند عمام جيلهم
على أي حد شادين حيلهم
وحسام هتلر إسمه زاويلكم
أبو مكة ده خلصانة على إيديه