[المقدمة: مصطفى الجن وهادي الصغير]
بحبها، دي بمية راجل دكر
تعورك لو جيت معاك قطر
غزالة بس ما يهزهاش خطر
دي مطوتي، مش بت أوزي باربي
اللي عنده زي زميلي أنا
عنده كنز يغنيه لمية سنة
اللي طبعه تقدير وجدعنة
غير يابا اللي ينكر ويغدر بيك
ياو، أمجد الجوكر

[مصطفى الجن]
تعالوا كوبش، ما تجوش واحد واحد
أنا اللبش وإنتم عليكو راحت
ده من كتر أفعالكو هتجاحد
ما فيش تاني أبو قلب بيعدي
طلاق منك يا دنيا الوجع
قليل أوي لو شفت فيكي جدع
عشان كده ما بقتش بتخدع
ما أنا الكل باعني ووقف ضدي

[هادي الصغير]
طاحن شرطة وشديدها بالدولار
ما كده كده صحابي شافوني ديلر
ما أنا شياكتي كشفاني بين عرر
وأخصامي لو أجلي ينهوني
أبويا جابني الدنيا وتركني
قالي ربنا يعينك يا إبني
يا أبويا أنا قد الحياة سيبني
أحارب اللي في الضهر حاربوني
[مصطفى الجن]
على بطاقتي مكتوبلي أميرية
تخصمني تسقط يالا ضحية
بلاش تيجي على سكة يوم ليا
أنا بصفي بسلاحي أخصامي
حاسب ده محمد شعبان حملة
تيجي في نكش هتسف يالا رملة
كريم بيضا والله ما مجاملة
ما تكرتش قدامه بأسامي
عين شمس من غيره زعلانة
ما هو الوحش محبوس في زنزانة
رحلة تحلى وهيبقى ويانا
عم جيله مهاب البدراوي

[هادي الصغير]
عامل دكن وعامل لقدام
سيرتي حلوة وراعبة الأخصام
عقلي رزمن وقلبي نو غرام
ما بنحبش عشان بنتحب
في صغرنا نتعب ونربحوا
عشان لما نكبروا نرتاحوا
ما فيش حد فينا ضامن مطرحه
وكل سكة فيها كذا مطب

[مصطفى الجن]
بحبها، دي بمية راجل دكر
تعورك لو جيت معاك قطر
غزالة بس ما يهزهاش خطر
دي مطوتي، مش بت أوزي باربي
يا أخصامي أنا جاي أقولكو
هاتوا حكومة تديكو حقكو
أنا كاشحكو، عارف اللي عندكو
يالا تمامكم يجريكم كلبي
[هادي الصغير]
اللي عنده زي زميلي أنا
عنده كنز يغنيه لمية سنة
اللي طبعه تقدير وجدعنة
غير يابا اللي ينكر ويغدر بيك
في الحزن جنبك بيسندك
في الفرح يفرح بفرحتك
ده يا بختي، في الدنيا دي لقيتك
قليل أوي اللي زيك يا زميلي

[مصطفى الجن]
أبوك وأمك يزوروا الحرم
لو تعيشها برجولة محترم
لكن لو هتعمل علينا بورم
هعملك سوباينو مش ملكي
عيال تحف جاية كده معاهم
وبقهم جايبينه في قفاهم
عمر عيني ما هتبقى شايفاهم
أي شقي هنططه برجلي

[هادي الصغير]
يا مكنتي هنروحوا مشوار
في طريقنا تعرفي أخبار
في بطل هناخده ونختار
على فين نروحوا بيه وندنه
قابلتها ببنطلون طرش
وبرجولة دي مكبرة الهنش
وكده سترك يا رب من الونش
ليرفع ترومبيل ما فيش منه
[مصطفى الجن]
بعدها قالت الحياة فري
لو جيبنا چوبين وآي دي
بتقولي أنا مخنوقة أوي
من خطيبي، ما بحبهوش، ده عبيط
هات كاس، لفلنا چوبين
صوتت، قالت خطيبي كين
أنا شفت عملاق، خطيب مين
بتقولي خطيبها إتخضيت

[هادي الصغير]
يضربني يد بتغفيل
فقتله، خد يد هيميل
بالخوجة ضربة على تقيل
في الوش هيكش ويجلي
البت هتقولي ليه كده
وحكومة جاية وكده رضا
بالمكن بين ده وده وده
هاخد مكنتي وبيها هجري

[مصطفى الجن]
رنتلي وقالتلي آسفالك
ولحد مكانك جايلك
في حاجة، قلت فوق بقى لحالك
البت بتسلمك ليه
ع عادي، ما بخافش أمنجها
هتفاجئ بالحلو جه معاها
وحكومة علينا محلقة
وأتاري تيجي يطلعلي البيه

[هادي الصغير]
إتحبست وهقضي كام سنة
من يومها حرمت أعمنا
هتشاقى وأبقى خطر أنا
هستقوى يجي اللي أقوى يدوس
البت اللي تيجي في الغلط
دي توقع بلد قصاد بلد
وتسفف أجدع شنب زلط
من أجل متعتها يابا يا فلوس

[الخاتمة: مصطفى الجن]
من يومه ع الدولة متخطر
طلقاته بإشارة بتمطر
قدامه ممنوع يالا تكتر
فوق لمحمد شعبان
كريم بيضا مش شاغله هلهولة
ده أخصامه على إيده مقتولة
عشان كده كلها مغلولة
مقصودة لفلان وفلان
من بعده صبحت في عيني سودا
يا سجان إفتح باب الأوضة
كفاية ظلم، يا باشا مش كده
مهاب البدراوي بريء
عمر سمارة عم عمام الجيهة
على مبدأ أنا فيها لأخفيها
دليها لأحسن تاخد فيها
ما تقفش قصاده في طريق