[المقدمة: مصطفى الجن وهادي الصغير]
أنا للأخصام ڤيرس نادر
يشوفوني وقتي يقولوا يا ساتر
لم جماعتك بقى يا مازنجر
عاملة عروض ع الفيس وماسنجر
زرزرة للصبح هتتقضى
أنا جايب كيس إسمه القبضة
خبطة ورا التانية، إنتهى أمرك
إركن، أشكالك مهروشة
ياو، أمجد الجوكر

[مصطفى الجن]
أنا شقي، متخطر ع الدولة
بكسر عين أخصامي في جولة
خافوا على نفسكو وإهدوا يا عولة
لو جيتوا هتموتوا يا كوتو موتو
ده آخر إنذار، مش هقول تاني
ع الدغري أنا يابا كده عداني
أجعصكو هيعمل ألماني
بإيديا هحضرله تابوته

[هادي الصغير]
هلبس نضارتي الخشبية
هلاغيكم أوسخ ملاغية
مش هتكلم لغة عربية
عفوًا، سلاحي اللي هيتكلم
يعني اللي هيجي على سكتي
هنكته كام نكتة بمطوتي
بسببكم هتكون حبستي
على وشكو هرسم وهعلم
[مصطفى الجن]
أنا للأخصام ڤيرس نادر
يشوفوني وقتي يقولوا يا ساتر
عورت كتير أوي، مش فاكر
لا مؤاخذة، ما بحفظش أسامي
مطلوب يوميًا من الشرطة
يومي لازم يبدأ بمطاردة
بصحى من النوم باخد أبو شرطة
وأعمل حكايات مع أخصامي

[هادي الصغير]
شارع العشرين كله فراودة
تدخل في أميشة ما فيش عودة
هنا أسلحة من أعلى الجودة
فين هي الأبطال؟ مش باينة
محمود كشري في رحلة وراجع
إتقلوا، ده الجاي على مواجع
الموس فترة ويمسك شارع
هتروحوا فين يا ولاد الخاينة؟

[مصطفى الجن]
قوالب نامت وإنصاص قامت
وجراوي كبرت وعلينا زامت
خدوا يا عيال على بطنها نامت
فوقوا من البرشام الصيني
نص الأطفال يابا محبوسة
أوض الأقسام بيها متروسة
الحبسة أزميلي صبحت كوسة
وبقت دايرة يا حلوة شوفيني
[هادي الصغير]
من شغل الإستوريهات سيبك
حملة؟ تعالى خش وهتجيبك
وإنت يا أمور بقى ونصيبك
خرطوشة يا سكينة مطروشة
أنا عايزك تتقل على صبرك
يا اللي حفرت بإيدك قبرك
خبطة ورا التانية، إنتهى أمرك
إركن، أشكالك مهروشة

[مصطفى الجن]
صاحبك لو تديله من جيبك
يغمز نفسه وهيداري عيبك
تفضى جيوبك وقتي يسيبك
إخواتي يابا مين؟ فوق من الغفلة
عود نفسك تنسى بسرعة
كل ما تفتكر إسحب جرعة
البني آدم إيه غير سمعة
سرك متذاع وسط الحفلة

[هادي الصغير]
ما بقتش بميز ولا واحد
عذرًا، ما الكل بيتجاحد
يلا إستقبلوا وشي الجاحد
هعاملكو خلاص بمعاملتكو
سوري، ألف سلامة على عقولكو
سلكان إيه اللي أنا هسلكهلكو؟
فوقوا بقى للي بقولهلكو
خلصت، سكتي غير سكتكو
[مصطفى الجن]
أنا عارف إن أنا جاي معاكي
الليلة شكلها كده ملاكي
جوة الغواصة هستناكي
نسكر ونقنق في المزة
زرزرة للصبح هتتقضى
أنا جايب كيس إسمه القبضة
مش عايزك تقعي من الخضة
الأرضية هتعمل هزة

[هادي الصغير]
لم جماعتك بقى يا مازنجر
عاملة عروض ع الفيس وماسنجر
كاتباك في البايو جوزي المنشر
هو اللي إدارة أعمالي
على باب شقتكم طوابير
مش حلة صغير وكبير
ده جيرانكو إشتكوا للدبابير
خد واحدة إعارة، إلبس أغالي

[الخاتمة: مصطفى الجن]
شارع العشرين كله فطاحل
علشان تدخله عايزة مراحل
أنا بلدي أميشة، مش من الساحل
دولة فيصل أنا واحد منها
محمود كشري ده واجهة جيهته
ومسيره هيخرج من ضيقته
الموس ده مشرف منطقته
ودي حاجة يابا كلكو عارفينها
مصطفى الجن أما يأدي
إجباري يا زميلي كله يهدي
هادي ما بيحلش في تحدي
والجوكر فوق وشاغل بالهم
كلمات تاكسلو ترنداية
وغزالة والمصري أقوى دعاية
واخدين الفوتوشوب هواية
باندا وحاتم توب مجالهم