[المقدمة: عصام صاصا ومصطفى الجن]
ياو، دبور برودكشن
كلها نفسها تدفن عمها
لكن والله بعينكو
أنا قد الدنيا أزميلي كلها
وبطولي مديكو على عينكو
لو شايفين إن حبستي هتريح بالكو
بلغوا عني الحكومة وأنا اللي بقولهالكو
ياه على قلة الأصل
ياو، أمجد الجوكر

[المقطع الأول: عصام صاصا]
اللي بتعتبره أخوك
واللي ما جابهوش أبوك
أصبح يتجاحد، أول واحد
من اللي بيسرقوك
إوعاك تدي الأمان
ده الكل غدر وخان
أقرب ما ليك بيقطع فيك
حواليك زي التعبان
منك وبيرشدوا
دايرين بيأبدوا
لأجل القرشين ضربوك ع العين
بقوا عنك يبعدوا
أسرارك قلتها
نشروها في وقتها
أصعب ضربات لما تجيلك
من ناس بتحبها
[اللازمة: عصام صاصا]
طب قولي يا قلبي إزاي تتراضى
وتدي أمان ليهم من تاني
خدوا منك صيت، عملوك صدادة
ونكروا اللي عملته في ثواني
أنا كنت ستارة لناس غدارة
ما بتحنش، مبدأها أناني
دول مسكوا الطارة ما إدوش زمارة
داسوا عليا وكله أذاني

[المقطع الثاني: عصام صاصا]
عاشوا في خيري سنين
بعدين نصبوا الكمين
من كتر اللي أنا شفته على إيديهم
كاره البني آدمين
في صوابعي بقيت بشوك
وعملت لكله بلوك
مخنوق، تعبان، قرفان، زهقان
هبعد يمكن أفك
إزاي خنتوا الرغيف
ده ما فيش فيكم نضيف
مش هقسم لقمة معاكم تاني
يا تربية رصيف
شبع من بعد جوع
وده كل ما في الموضوع
أشكالكم سيس زي الكوابيس
بسببكو بقوم مفزوع
[اللازمة: عصام صاصا]
ما عملتش حاجة معاكم وحشة
عشان تجرحوا وتخونوا
ده أنا كنت بشيل من بقي أديكم
وإنتم مش بتصونوا
أنا زي ما هنت عليكوا في يوم
والله أكيد هتهونوا
منكم مهموم، أنا كلي هموم
أجدعكو مغير لونه

[المقطع الثالث: عصام صاصا]
الوش بيتلبس
دول عايزيني أتحبس
وكلبش يجيب كلبش
أنا واحد في الحديد لبس
في القرش مبحلقين
وكاشحهم من سنين
أنا خصمي بيذكر إسمي
وكل يومين يعملي كمين
أنا لسه بصحتي
ما تجوش على سكتي
ما يغركوش إن أنا غلبان
إحذروا من قلبتي
يا إبني الغلبان شيطان
ما بلاش تجري الحصان
أنا وقت الشر بكون مضطر
إني أضرب في المليان
[اللازمة: عصام صاصا]
كلها نفسها تدفن عمها
لكن والله بعينكو
أنا قد الدنيا أزميلي كلها
وبطولي مديكو على عينكو
أشكالكو نسيتها، أنا كرفتها
وأهي خلصت بيني وبينكو
كلكو أندال وطلعتوا شمال
ولا عمري في يوم هآمنكو

[الخاتمة: عصام صاصا]
أبو علي حسين دبور
دايمًا ثابت حضور
واجهة بشتيل، قدامه تشيل
ما تلفش هنا وتدور
من بعده بقيت محتاس
وساقوني مرار الكاس
ولا يوم من أيام الحنية
أخويا حسن الدفاس
كروان ومن البلد
ده عصام صاصا الأسد
خمسة من العين، مصطفى الجن
جاحد من غير حسد
معروف كينج التوزيع
وعليكم رده سريع
أمجد الجوكر تتحداه
في ثواني يا زمالة هتضيع
الكينج معاذ وليد
وأبو طه إدارتنا شديد
وغزالة والمصري وحوش الحصري
المافيا ده قلب حديد
دبور برودكشن فوق
بالعافية أو بالذوق
صحصح لكلامنا، إركن قدامنا
يا بابا من وهمك فوق