[المقدمة: أمين خطاب وزعبلاوي]
يا فلوس، يحرق صنفكو، واطيين، عالم خايبة
يمّايا، وحشاني كلمة يا ضنايا
اللي يحبنا في الله إحنا نحبه طول الحياة
والبقاء عمره ما كان للأقوى
البقاء دايمًا للأوفى
دولسي، دولسي، دولسي برودكشن

[المقطع الأول: أمين خطاب]
محطوط والقلب شايل بيموت
من نومي بقوم مخضوض
دي الناس فاكراني مبسوط وخاربها
مكبوت، متلخبط، مش مظبوط
أنا تايه، مش موجود
روحي مستنية الموت يقبضها
سلامات على ناس عملولي إخوات
سكنوا عقلي بروايات
حبكو كان من البدايات مصلحة
تقدير، ما بقاش موجود تقدير
كلها ساحبة السكاكين
عشرتكو كانتلي كمين يا ناس خاينة

[اللازمة: أمين خطاب]
تعبان، موجوع، في عيوني دموع، شايل وراضي
بشرب في سموم، دخان بالكوم داخل أعصابي
في مرايتي بكون واقف مذهول من اللي قصادي
زعلان على عمري اللي أنا ضيعته معاكو ع الفاضي
[المقطع الثاني: أمين خطاب]
أذيتوني، بكلامكم جرحتوني
طب شكرًا، شرفتوني
إدوني ضهركو وإنسوني يا ملايكة
خاينين، بجحين، ما بتتكسفوش
في المجدعة ما خبطوش
مهما هتلبسوا في وشوش، زايلة ما دايمة
دولسي برودكشن
أتوبيس الجدعنة بقى مقلوب
علشان سواقه معوج
ركابه مش ع المظبوط ولا ع الأبيض
صافيين، ما كانوش خالص صافيين
كانوا بفة من التعابين
يحرق صنفكو، واطيين، عالم خايبة

[اللازمة: أمين خطاب]
طمني عليك يا اللي إتغيرت وقلت وداع
من يوم ما قابلتك شفت في عينك إنك بياع
كل أما أصفالك ألاقي في ضهري خيانة وخداع
أتاريني مغفل، كنت أنا شاري وأنا المتباع

[فاصل: زعبلاوي]
وهتفضلي إنتي ياما أحن قلب عليا
برغم كل اللي شفته من اللي حواليا
وحشتيني
[المقطع الثالث: أمين خطاب]
يمّايا، وحشاني كلمة يا ضنايا
أنا تعبان من جوايا
الدنيا معاندة معايا وسحلاني
ما بخونشي، لكن يمّايا بتخان
في طريقي بشوف أندال
لاغيين بند السلكان، ناس مؤذية
يا فلوس عليتي في أوطى نفوس
على بعض بقينا بندوس
سيرك بيحكمه أراجوز بتاع فكة
كارفين، مهما عليتوا مش باينين
مش هديكم تقدير
طول عمركو ناس وحشين، وشوش خداع
دولسي، دولسي برودكشن

[اللازمة: أمين خطاب]
دولة فيصل يا زميلي بتجيب دايمًا رجالة
شارع المستقبل ع الأخصام سكاكينه قتالة
لو جاي في مشاكل تتاكل وتموت يا زمالة
ده محمد جابر أخصامه طالعة في نقالة

[الخاتمة: أمين خطاب]
وليد الليثي مديكو عيار
ورافع شعار الأخصام
مرحب لو جيتوا في حوار، هستناكم
جعفر ده تقيل على أي تقيل
أحمد نانا التقدير
من يومه جدع وأصيل، حازم زوما
أمين خطاب معروف بالقطر
قلم الإبداع ١٠٠ سطر
ده غباشي والجن قلمهم بيعوّر
دولسي برودكشن في التوزيع
دايمًا ويايا بيذيع
كينج الحالة في التسميع، زعبلاوي
المافيا إخواتي غزالة والمصري
بصمتهم دايمًا حصري
واصلين في الشارع المصري والميديا
الريس فيصل العبد إدارة
ده إدارة على أي إدارة
أبو زين يالا عبده العبد المتصيت
مونتاج أحمد حاتم مع باندا
من غير ولا واسطة وساندة
روزو وإسلام إخواتي يا عم إنت