[المقدمة]
(حصريًا على موقع مهرجانات دوت كوم)
قراميط قراميط قراميط
والهلافيت عاملين مظابيط
لأ ده إنتوا تروحوا تتعالجوا
شوفولكوا مصحة لمرض الصيت
(عازف أورج يوسف أوشا)

[المقطع الأول]
صاحبي اللي إداك يدينا
بشويش الله يرحم باباه
ما تعيش اللحظة علينا
يا إبني إحنا معانا البير وغطاه
خد في الوش اللي جنابك لابسه
ما تنساش أصلك ياه
ده الهلفوت صدق نفسه
عشان ماشي بكام كلب وراه

[اللازمة]
قراميط قراميط قراميط
والهلافيت عاملين مظابيط
لأ ده إنتوا تروحوا تتعالجوا
شوفولكوا مصحة لمرض الصيت
جعانين جعانين جعانين
عندي تاريخكم لو ناسيين
كنتوا بتحلموا تيجوا تسلموا
هتعيشوا الدور على مين؟
[المقطع الثاني]
عن نفسي عملت الخير
ورميته في البحر، أنا مش مستني
داهية اللي يغور ما يغور
قال يعني منعتوا المصروف عني
أنا ضهري ده رب كبير
ودراعي في الشدة يابا اللي يشلني
ده أنا لو هسأل هسأل في كتير
ومافيش مخلوق يسألني

[اللازمة]
ميتينات ميتينات ميتينات
بتدوسوا على بعض عشان جنيهات
على كده لو شوفتوا الأخضر
مع بعض هتعملوا جنايات
حرمان حرمان حرمان
ما فيكمش واحد من بيته شبعان
عند الرجالة يركبكوا الفقر
وتصرفوا ع النسوان

[المقطع الثالث]
حسن العمدة يا عمنا
على حسه شناب ماشيين يا عبيط
الحويطات يا زميلي أرضنا
بنصيت أم الصيت
وحسين العمدة ده بب
ده كينج مدينته يابا وحملتها
رجليه مطرح ما تدب في أرض
تشرف يابا رملتها
فكك من أخويا وحبيبي
وخش على المصلحة على طول
أنا كاشحك وإنت كاشحني
ومش لسه في أشعار هتقول
من إمتى بشوف رناتك؟
إمتى في يوم رن المحمول؟
وفر يا زميلي ميكساتك
بطل رغي وخف تمول
[اللازمة]
مقاطيع مقاطيع مقاطيع
والله بنعامل ناس جرابيع
ده إحنا في زمن اللي تيجيله الفرصة
قوام يغدر ويبيع
حوارات حوارات حوارات
في الناس عايشين ناخد صدمات
ما بقاش فيها عيش ولا ملح
وكله مصدر الإستعباط

[المقطع الرابع]
عربية وڤيلا وكيف
وفلوس وهدوم وكمان سهرات
مش أنا الشاب اللي في بالك
أنا مش جاي من الإمارات
دوري على واحد بكت
أنا ما بضيعش على الستات
شوفي أي خروف يقطعلك تيكت
الفاتحة على الشنبات

[اللازمة]
مشقوطة مشقوطة مشقوطة
وماما حلوة وعارفة ومبسوطة
والحاج ده ولا محتج
طالما الدنيا فري ومظبوطة
يا رخيصة يا رخيصة يا رخيصة
إنتي الإتنين منك ببريزة
نفسين جرو الحجرين
وبقيتي مدمنة ضريبة بيسة
[المقطع الخامس]
أنا عندي اللي مكفيني
ما بحبش أخد من حد بواقي
مش ممكن أي حريم تغريني
ومرزمن مش عشوائي
روح قلبي اللي بحبها
أخلاقها نضيفة تشبه أخلاقي
ما أقدرش أبعد عنها
أنا لا زيها مش ممكن ألاقي

[اللازمة]
سكرة سكرة سكرة
ده حبيبتي معسلة ومسكرة
والله أمورة وجمالها طبيعي
من غير روج ولا مسكرة
عشقاني عشقاني عشقاني
بحبها موت وكمان حباني
طول ماهي حواليا هعوز أنا إيه
بس من الدنيا دي تاني

[المقطع السادس]
المسا ده لأرض الرعب
الحويطات أرض الأبطال
الخوف يدخل فيها صعب
ده أصغر يا إبني ما فيها سندال
واخدين الشغلة دي عند
وبنشوط اللي يجي في سكتنا
أون تريند في كل تريند
هتسمع فيه بصمتنا