[المقدمة]
أفيونة على كوكبي
وإنتوا في زنزانتي
يا ليل يا ليلي يا ليل
يا ليل يا ليلي ليلي
دجال عاملي العمل
بأبليسو السفلي
يا عين يا ليلي يا ليل
يا ليل يا ليلي ليلي
ماندو العالمي

[اللازمة]
جاحد عليك يا زمن
علشان ماليش ملكة
طيب هسد التمن
ده ما فيش بشر سالكة
دي ناس ولا تأتمن
سابوني في العركة
لو اللي باع في اليمن
هجيبه في الفلكة

[المقطع الأول]
أفيونة على كوكبي
وإنتوا في زنزانتي
أنا مصري مش أجنبي
جزار في معركتي
أخطر من الإرهابي
مزفر أنا خوجتي
الخصم زق الصبي
قاعدته على شوكتي
رمل جزيرة الخطر
جواها جيش بيشوط
مفتي القديمة تتذكر
إنها أرض الموت
شارع دانة رصاص مطر
فيها قائد ع الأسود
دي فرحة كريم حناوي
علشانه أنا مبسوط
[اللازمة]
بايع حياتي تقسيط
لصحبة جزارة
فاكر الرجولة بتفيد
جت ليا بخسارة
كله في رجولته بليد
مرهموا بجدارة
حطوا في إيدي حديد
دي خلق غدارة

[المقطع الثاني]
شايل هموم بالهبل
مين حس يوم قرفي
في الصبر زي الجمل
ما يبانش يوم ضعفي
دجال عاملي العمل
بأبليسو السفلي
بقيت عايش في الموت
شغال عامل حرفي

[اللازمة]
كل أما أقول هنصلح
وأكون من الصالحين
قلبي تاني بيتجرح
من صحبة الحجرين
أنا عمري قلبي ما فرح
لو بفرح أنا دقيقتين
بيكون الهم طلع
حزن يكفي سنين
[المقطع الثالث]
ما تجيش تعاتب واحد
شاف العذاب ألوان
ما تقولش ليه بتتجاحد
ما أنا مش هكون غلبان
الفرحة دي لما راحت
هلت كتير أحزان
والغدارين إرتاحت
والإسم دول خرفان

[اللازمة]
ياه ع الحياة المؤلمة
وريتني أفلامها
طفل عيونه مضلمة
مشدود بأوهامها
لو يوم طلع سلمة
بتزقه حكامها
فعلاً حياة معلمة
وريتنا إعدامها

[المقطع الرابع]
فاخر يا بلدي حبيبي
عودك ناسب سني
كان حلمي تبقي نصيبي
وأجيب عيال منك
حاجة حلوة لما تجيبي
عيل عسل شبهي
تشوفي طبعي فيه
يكبر يكون سندك
[اللازمة]
صاحبي بلاش تزيط
كله بيوصلي
اللي إنت ليها شكيت
بتجيلي وتقولي
قالتلي بالتأكيد
طب عيب كده يا خلي
ده لو إنت إتحطيط
أنا عمري ما بجلي

[المقطع الخامس]
جالي وقال بأمانة
واحشني يا رجولة
قلتله طب ليه الخيانة
تشكيني لكحولة
قال كدابة وشيطانة
دي بت دلدولة
واجهته بالجوديانة
كان شكله هلهولة

[اللازمة]
شقي يا كل حياتي
يا غلطتي السودة
آخرك بلوك يا واطي
سكته مسدودة
معاملتي تلاتاتي
ضربتي مردودة
أما إنتي تيجي يوماتي
تمامك الأوضة

[الخاتمة]
رمل يا قصر الدكن
يا جيهة الأبطال
اللي يعاديك يتركن
يتعبى جوة شوال
مافياجي أيها سكن
طلع يا ناس أشبال
ده كريم حناوي المافيا
والمافيا ده السندال
أيمن بلكونة الشبح
المسا لأبو رضا
طارق الزلزال ياما جرح
ده ضربه كده وكده
ده أحمد أبو طيرة يغيب
يسمعكو الندى
إسلام خرابيشو الكينج
خصمه كبش فدا
بيقول بحب صحابي
والخصم أنا شوطه
بيسد يابا في غيابي
ده حمو عفروتو
ده الكوك كريم كراوية
قدامه هتنطوا
دي أي حاجة متساوية
والقلة منكو إنتوا
ده سعيد تيتو السفاح
سكينته مش باردة
عبد الله السرباح
أعدائه يابا مطاردة
أسامة أبو العزم زميل
أحمد السوسة الفردة
وطاطا الكرشة خطير
وزميل جابر خردة
عمرو الحلاق الصغير
مساك بطلقات نار
وأحمد عيد أبو چودي
بيج بوس في جهتنا
مفتي القديمة مملكة
إصحى لدايرتنا
أي واحد يصاحبنا
بيمشي على صيتنا
حمو الطيخا الأفيونة
زلزل في أي مكان
ماندو العالمي بيوزع
توزيعته بالألحان
شمس الناس ده الكاتب
كلماته على الجدران
مؤمن نبوي، سمير نبوي
إدارات عليك يا زمان