[المقدمة]
إيه ده؟ إيه ده؟ مع مين؟ ده كمين، دولت أخصام
والعمر شريط بيشيط بين خلق شاريها
قلبي عاشق قلبها
طب يلا يا أشكال كدابين
ما بقتش عارف مين حب مين
قررت أنزل أقدم في الچيم
علشان ما ألجاش لقعدتكو
ماندو العالمي

[اللازمة]
أنا فين يا زمان؟ حيران، مش عارف مالي
في الهم بعوم، مهموم، متشقلب حالي
إمتى هكون مبسوط؟
بضحك من الغيظ، ده بليز خفوا يابا شابو
بتعيبوا في العيب، تعذيب أنا شفت منكو
الغدر خلاني أموت

[المقطع الأول]
طب يلا يا أشكال كدابين
ما بقتش عارف مين حب مين
الضحكة في وش اللي بوشين
زي الكحكة في إيد اليتيم عجبة
أنا شيلت قلبي من الجسد
وعايش في الدنيا يا ناس أسد
ما أنا دمي من الصحبة إتفسد
في سكة سفر راكب عجلة
[اللازمة]
إيه ده؟ إيه ده؟ مع مين؟ ده كمين، دولت أخصام
إيه يا صاحبي في إيه؟ طب ليه تهرب قدامي؟
وسايبني بين أعداء
خناجر وسيوف، محدوف ودراعي صدادة
ما أجريش لو أموت، جبروت، في حروبي طروادة
لحروبي أنا بشتاق

[المقطع الثاني]
دي النار جوايا بركان فجر
قدامه دقيقتين وهينفجر
علشان قلبي المخاليق حجر
ما بيتهزش لو في زلزال
حيران والحيرة بقت خطر
والدم إتصفى من الوتر
غرقان في دموعي، ما هي كانت مطر
بتسيل لو أشوف فعل الأندال

[اللازمة]
أصحاب مساعير بتطير لو شافوا المادة
وبتمضوا غياب يا كلاب في وقت الشدة
يخرب بيت القرشين
أيام بتفوت وتعود أيام زيها
والعمر شريط بيشيط بين خلق شاريها
وهما ليه بايعين؟
[المقطع الثالث]
بطلت الكيف، كفايانا زيف
شفت النيكوتين تلفك يالا
قررت أنزل أقدم في الچيم
علشان ما ألجاش لقعدتكو
الدخان طار الكل طار
أيوه عليكو، ده إنتوا صحاب قمار
بس أنا كسبان، كله خسر
علشان سندال في شدتي

[اللازمة]
أول ما هويت حبيت، البت خطيرة
حبك ده قدر يا قمر، كانت صدفة جميلة
عمري ما بنساها
البت بابور، بيتي فور، تستاهل حبي
أنا فيكي بدوب، دبدوب البت الباربي
قلبي عاشق قلبها

[المقطع الرابع]
جدعنتك عندي بالحياة
دايمًا رسمالي الإتجاه
ده جميلك أنا عمري ما هنساه
فوقتيني من صحاب خاينة
بعشق أمها المجنونة
صاحبتي وزميلتي الأفيونة
نسيتني الخلق اللي خانونا
بعدك مش عاوز بنات تانية
[اللازمة]
ويلي يا تفكير في الغير اللي مدمرني
خصمي المسجون مديون، ما هو أصله خسرني
ولوحده بقى في النار
رغم إنه أذاني ونساني بس أنا هفديه
أنا صعب أسيبه، ما هو عيبه مش هعمل بيه
جدع مع الغدار

[المقطع الخامس]
يا زميلي كلامك مش تمام
ما تخرفش بقى في الكلام
خليت إنت الصح حرام
بتحلل غلطك بمزاجك
تعملنا شيخ لو نغلطوا
وبتبقى شيطان لو نصدقوا
هجرح فيك يالا هنبوطوا
شوف مين هيجيبلك ألا علاجك

[الخاتمة]
إضرب شماريخ، دي تاريخ، الرمل دي جهتي
جيهة المملكة معركة، دانة دي منطقتي
الشبل ماسك فرد
المسا للشيك، ده صديق الجدعنه يابا
الجدعنة فيه، أتاريه سندال في الغابة
الفارس ياسر القرد
في غيابه بموت، بالصوت بصرخ لزميلي
سابني في الدنيا وفي ثانية ما بقاش بيجيلي
الحنش جمال صابر
ضربته مطروشة، ده الموشة حسام الموشة
إسمك بثبات، بابات منك مطروشة
سكن خصمه المقابر
يا نسور بتثور بغرور تاخدم أحبابي
البرص سبرتو ده رجولته حاضرة يا أصحابي
مش لاقي زيه زميل
ده فؤاد لو قال أفعال هتشوفوا أفعال
وفهمي شواحة بصراحة ده رجولة سندال
مالهوش يا صاحبي بديل
سامي العمدة، مسا للشبح
اللي يزاوله ده هيتدبح
صاحبي وزميلي فيكم جرح
علشان أشبال عاملين أبطال
صبري السمكري ما يهبش حد
ده رجولة شاملة، سندال بجد
ده رحيم الضاني عسلية وجد
إنت وبس والباقي أشبال
حمو زنيخة في الهجوم
بيغرق أخصامه في الهموم
لطفي الحلاق يا إبني ده في كوم
والدنيا يا إبني في كوم تاني
يا مجال مردوم ما تقوم ولا إنتوا أسامي
ده أنا حمو الطيخا يا صريخا جلم قدامي
أول عليك يا مجال
ماندو العالمي في مقامي، ده التوزيع حامي
وشمس الناسف مجازف، كلماته قضية
مؤمن نبوي السندال