[المقدمة]
أنا في مدبح
ماندو العالمي

[اللازمة]
يا مولانا
ما تتولانا عشان تعِبنا بأمانة
أكلنا عيش وملح مع خلق جعانة
ما صانوش اللُقمة وخانوا، قلّبوها خيانة
ما تضيقوش
عينيكو فيه وقُلتوا إخيه ما بنحبوش
طب أعمل إيه مع القراميط ما بيهمدوش
عاوزين سباك يسلك اللي ما بيسلكوش

[المقطع الأول]
سكران وشايف أفعالكو
السُكرة من فِعل كلامكو
تمثيلكو خلاني أصونكو
آخر السيناريو بان تمامكو
تعمِل كلام مُخرج فيلمك
بيقول ويظهر لك ظُلمك
وفي الآخر بتشوف الذُل
يا ريت في يوم بتطول حلمك

[اللازمة]
عيال فافي
عاملين عريكة، كبيركو في حربه جرى حافي
لو كان في رجولة، إنتوا خدتوها خفافي
ما فيش راجل يغير من راجل لو صافي
يا عم الشيخ
أنا تايه، من التوهة ناسي التواريخ
ليه الناس الشيطان حَطّ في عيونهم سيخ؟
هو إحنا في كوكب الأرض ولا المريخ؟
[المقطع الثاني]
شِمال، يمين، كله في لعنة
يا اللي فاكِر كله بتاعنا
الدُنيا دي مش دايمالك
الحي دوّا مش تبعنا
عماد رنانا ما يهيبشي
علي رنانا ما يغلبشي
جوة محمد نجيب ثابثين
شريف رنانا ما يرحمشي

[اللازمة]
يا مرض الصيت
بقيت أوسخ من الكورونا، خبيث وحويط
سكنت عقول أشبال إتلقّبوا بهلافيت
ده ڤيرس الميديا جَنّ أبطال التكريت
أنا في مدبح
عشان أشوف صحاب في بعضيها بتِجرَح
إزاي بعد اللي شُفته ده أفوق وأفرح؟
ده أنا بدعي لزرعة الضِحك يوم تِطرَح

[المقطع الثالث]
اللي ما كانش معاه اللضا
كان حِلمه لو شط اللادا
دِلوقتي عامل إيلون ماسك
ودايس ع الناس ببيادة
طب الله يرحم يور فازر
من يومه قدر يتعزر
طالعين شبه اللي جايبكو
خاينين ومنكو واخد حظر
[اللازمة]
عالم أڤاتار
تنانين في الرّغي، يبُخوا في ضهري شرز ونار
مملكة الموت مخطوف جواها، أنا محتار
ماليش صاحب ساحب في الخير، عالم غدار
أنا الطرزان
في دُنيا كله عامل فيها سبايدر مان
ما فيش صاحب في زمن الوهم والإدمان
أخدوا الجُرعة وطلبوا خدمة الطيران

[المقطع الرابع]
سهم الرجولة بقى في النازل
منه البشر ليه بتعتزل؟
رايحين في سِكة الخاينين
على الشهامة بنيتوا عازل
زمن الرجولة مش بالمادة
يا اللي بتكريت بالعدة
الطبع دايم بالسيرة
والخيبة معدنها ده صدى

[الخاتمة]
عيلة رنانا تقول أكشن
الشعب قدّامكو بيركن
محمد نجيب أرض الزعابيب
الشبل عندنا مُتمكن
عماد رنانا عامل إزعاج
لأي حد ده أفخم تاج
علي رنانا يقول دندرة
الخصم منه مالوش علاج
عبد الله رنانا إسمه تقيل
أخويا ضهري، معايا أصيل
وأحمد خالد رنانا يغيب
الخصم قدّامه يبقى قتيل
محمد خالد رنانا
شياطينه سافلة وخربانة
خالد رنانا يقول يا مشاكل
ما فيش واحد يتحدانا
حسن رنانا عامل بلوة
كل الحِمل منه تجلوا
محمد صلاح رنانا فرحيته
مُنتظرة، كله سامع عنه
حودة صلاح رنانا جاحد
ما فيش في قلبه يا ناس واحد
حمو الچيمي في شارع الصَّدَقَة
أعلام كتير قدّامه ساحت
يوسف قوة في دربالة
ثابت، ما بيهبش أزمالة
أرض الكتان ومحمد نجيب
إتعرفوا أجدع رجالة
الجزبرة الخضرا تقول نحلة
أخصام كتير تِدخُل سحلة
إحنا الأساس، فوقوا يا أعلام
والجدعنة فينا دي أحلى
حمو الطيخا الأفيونة فنان
ماندو العالمي درمزه جِنان
شمس الناسف كتب الكلام
ومؤمن نبوي إدارة يا زمان