[المقطع الأول : إيكوزيوم]
مازال نفهم النقص كلما يسقسوني وين زايد ؟
زايد وين تعمروا الحباس و فرغوا قاع المسايد
راني في الخيط شايد حالف مانسنيفيه
كاين اللي فاتوا التران و اللي فالراية يسنى فيه ...
على العام خابط مور معرفتش نسير في سوق النسا
نلحق روتار نفهم النقص عايش في ساعة ناقصة
انا نترتق قرعة كلما تتلف لاريم
ما فيا ما بيا مابيك دراري حفظ الميم
بسنان تاع الحليب وليت فيو طاحو رايبين
الدنيا ماتدحكش بيها الحشمة سنانها رايبين
واش كلام واقيل دحكتلك كومبلي و ماحلبتهاش
طاطا بنتك دارت فرايها و ماقبلتهاش مي باتار
نبومبي 2 باكيات ماكسبتهاش
طع طع بالحب درتها و مانسيتهاش
جيت نربح الملاحة هوما سبقوني في العيب
في الطريق اللي ماتديش حالف نعمر الجيب )

[اللازمة]
( تفهم النقص تفهم النقص تفهم النقص
السؤال يبقى مطروح علاش تزيد تفهم النقص ؟
تفهم النقص تفهم النقص تفهم النقص
السؤال يبقى مطروح علاش تزيد تفهم النقص ؟

[المقطع الثاني : إيكوزيوم]
انا نفهم النقص مادام قاع تزيدوا عليها
لوكان عطاولنا الشوا قاع نزيدوا لهيها
دومين شحال ترتق الرقاص زكارة مادارش
اللي قاعد فال بون نطق ... اللي كاسيتو ماهدرش !
ياك الهدرة فال تيران مانسيناش و قلوبنا واسعين
مازال عايش فالباسي انا نتيري في ال 90
مام اللي مكسي بالحديد خيو هنا يشبع الرخس
مام يزيد تسميه بوزيد يكبر يفهم النقص اوكي
فاهم ولا قرى قريتك انت و الكتابات
هنا يفهم النقص مام اللي قرايتوا حسابات
ستيلو سلاح مانرونديوش فلو دشافيز
براف كيما قالك دياز اسبق فال لو دجافيل
بالزيادة على النقص زايد على 3 غير ربع
هنا الوقت راو كي السيف ماعليك غير دير باع
"نعرف نموت 2 خطرات مانزيدش نقوا "احب
خلاص الحجر و الدراهم دوكا تعلمت نحسب روحي
[اللازمة : علي كلام]
تفهم النقص تفهم النقص تفهم النقص
السؤال يبقى مطروح علاش تزيد تفهم النقص ؟
تفهم النقص تفهم النقص تفهم النقص
السؤال يبقى مطروح علاش تزيد تفهم النقص ؟