يــيـــآه
إيوكوزيوم فالمــايك بآبي هاك صاحبي
الفاهم يفهم ولي ما فهمش يفهّم صاحبو
خلّي يقولو مهدي غلط فـ حسابو
و قتل السوسطة يــيـآه

[المقطع الأول]
كيفاش حبّيتني ننسا و نريّب واش بنينا
داروها النّسا لالا نتا لي درتها بينــاتنا
ياك لي فالقلوب ما يبانش مام كي القلب يتشقّــق
ماعليش دير روحك ما فهمتش مادام الوقت يفرّق
ماعليش أنا لي غالط و نتوما قْآع فهمتو
لمخيّر فيكم خلاص أنايا قريب فهمتو
نفرّق بين لقباحة ولي ينحي لغطا ع البير
لي يحبّلك الطيحة و لي يحبّلك تطير
هاداك لي قلبو بارد ياك فيه لي راني نفيزي
أنايا قلبي بيض خلاص عوّلت نديّه يبرونزي
ملّي تبدّل لإيكيبـــاج و الرّيح هاداك لي جا دّاه
البابور رايح يغرق ما نغرقش معاه
إيل فالي نهدر سكتت نستعرف غلطة منّي
أنايا نسيت الصح و شرّيت غير فالفاني
أنا دخّلت برّاني عشّا بيناتنا سآكن
كي نقدر يتكفّن و الصحبة معاه تتندفن

[اللّازمــــــة]
انا والله ما تحرويت نفرّغ قلبي و خلاص
منا وروح تترتــق حالف ما نديرك فالراس
قول لي قلب الورقة أنايا حرقت الكُراس
أنا نطلّع النيفـُــو و نتوما تديرو سور بلاص
الوقت خاين وين الهدّات الله يرحم دوك اليامات
خانتنا الهَدرة بزّاف و فوقت الصّح السكات
الوقت خاين وين الهدّات الله يرحم دوك اليامات
خانتنا الهَدرة بزّاف و فوقت الصّح السكات
[المقطع الثاني ]
قْآع غمّضنا العينين كاين واحد لي فاق
قْآع قلتو راو غالط أنا الاول فالتسفاق
تبدّل صاحب بالتقيشرة و تهدر ع الرجلة و النيف
ما نبزقش ع العَشرَآ نستعرف عشنا كيفكيف
ياك كبرنا كيف كيف ما نقولش الوقت الضايع
و اليوم اللوم بيناتنا ولينا نديرو فالخلايع
والي راك دايرو شايع دارها بيناتنا او باين
رميتو العَشرا للشارع و تقولو أنا الخاين
درنا حساب لكلّش آبار لباش نتفارقو
تشفى كي كنّا ثلاثة و الباقي قْآع يتّرتــقو
نستعرف عشنا كيف كيف كي فليتســآع كي فالزّقـــو
نشفا لهاداك النهار حلفنا جامي لا نتفارقو
كتبنا..خانتنا ديك السكتة
هدرة بزاف تشيّـــن حنا حلّينا السبتة
ياك لي فالقلوب ما يبانش مام كي القلب يتشقّــق
ماعليش دير روحك ما فهمتش مابقاش و الوقت يفرّق

[ اللّازمــــــة ]
انا والله ما تحرويت نفرّغ قلبي و خلاص
منا وروح تترتــق حالف ما نديرك فالراس
نقولّك اقلب الورقة أنايا حرقت الكُراس
أنا نطلّع النيفـُــو و نتوما تديرو سور بلاص
الوقت خاين وين الهدّات الله يرحم دوك اليامات
خانتنا الهَدرة بزّاف و فوقت الصّح السكات
الوقت خاين وين الهدّات الله يرحم دوك اليامات
خانتنا الهَدرة بزّاف و فوقت الصّح السكات