[المقطع الأول]
اللي خوفت يوم إني أعيش بعديه
النهاردة خايف تشوفني عينيه
بخاف لو صدفة يوم عدى
يشوفني بموت من الوحدة
بعد قلبه ما راح
كنت ناوي أعيشله لسنين قدام
غاب وسابني خايف من الأيام
ما شافش الدنيا غير جنبي
ويوم ما كسر كسر قلبي
وإتمليت بجراح

[اللازمة]
وإستنيته يرجع مَرجعليش
وحايلت العمر يفوت مَرضيش
أنا قلبي معايا وروحي معاه
فلا مني بموت ولا عارف أعيش
وإستنيته يرجع مَرجعليش
وحايلت العمر يفوت مَرضيش
أنا قلبي معايا وروحي معاه
فلا مني بموت ولا عارف أعيش

[المقطع الثاني]
عمر يوم ما في عين شافتنا إتنين
والنهاردة راح فين وروحت أنا فين
وبعد ما قولت عوضني
عن اللي زمان سنين فاتني
فجأة ما لقيتهوش
قولنا بيننا حلم وحياة وبيوت
قولنا مش هيبعدنا غير الموت
آدية بغيابه موتني
وعيني شافتني ولاقيتني
حد ما أعرفهوش
[اللازمة]
وإستنيته يرجع مَرجعليش
وحايلت العمر يفوت مَرضيش
أنا قلبي معايا وروحي معاه
فلا مني بموت ولا عارف أعيش
وإستنيته يرجع مَرجعليش
وحايلت العمر يفوت مَرضيش
أنا قلبي معايا وروحي معاه
فلا مني بموت ولا عارف أعيش