[المقدمة]
ده راجل مش.. مش طبيعي
ده يعني مش عارف مش كوميدياني اللي بيعمله
بالظبط
عايز يجيب جين الجينات التقليديين الخصوصيين
أيوه أيوه
قولتله يا أستاذ ده راجل كوميديانو

[المقطع الاول]
غليت الميا تحت الرمل في ثانية مفيش وبور مانيش صبور
لابس ريش طاووس إصطادته عملته شيش طاووق
طموحاتي الڤيرس يخض، إنت طموحاتك زيطة هايلة
إسند ع الجامعة أحسنلك، موهبتك حيطة مايلة
عمارة بتقع من العاشر نطت من فوق وعاشت
السواد إللي في قلبي مش مدي مساحة لدور العاشق
ع الكره بتغذى وبحلي بغيرتك وغيظك
مش هتشوفو فيا يوم حتى لو عملتو الليزك
من أصفر لأخضر، أنا بفوت أصلاً بالبصمة
ولو مافوتش المصفة تتكسر يا اسطى
إخترعت الريست، لعبت أول ماتش كسبت
برقص تويست مع بط ووز، قطم وسط
ده مش صوت شخص سوي ومرتاح البال
مش فاكر قبل ما أخش كسرت كام مفتاح في الباب
القلق مش بيخليه يتعبني بدفيه في عبي
أتف عليك أحرقك بدون أي تفسير علمي
[اللازمة]
مش عارف أنا مين فبتقمص
هقولك إني بجيبها وهي طايرة وبشوفها وأنا مغمض
حتى لو الدنيا ضلمة
ياما، ياما
مش عارف أنا مين فبتقمص
هقولك إني بجيبها وهي طايرة وبشوفها وأنا مغمض
حتى لو الدنيا ضلمة
ياما

[المقطع الثاني]
ضربة مبرحة واقفة في زورك مش بالعها
أنا أحب هذه الموسيقى وأجيد توزيعها
لايص في الهجايص، مش طايق السحن فبزيحه
من الطريق عشان أطير من فوق المحن بالأجنحة
قلبي كبير، مخي مش بيخلي إيدي تسامح
برضى بالنهاردة وعمر بكرة ما يناسيني إمبارح
الفلوس إعصار والصحاب أغصان شجر
ده الواحد فعلاً طلع بهيم لإنه صان بقر
شوفت غباء بالفطرة والمزيد من العته
حطيت دماغهم تحت باطي زي مزيل العرق
قولي صحيح خدت لبان ولا الباقي؟
مين يستاهل جرامي؟ زاب ولا تاكي؟
بفتح الظرف عشان أعرف الإجابة
مكتوب لو مستني كتابة إيه إللي جابك؟
بدون مقدمات بدوق مقبلات وأقوم أتكل
ناسي نفسي، مالوش لزوم أفتكر
[اللازمة]
مش عارف أنا مين فبتقمص
هقولك إني بجيبها وهي طايرة وبشوفها وأنا مغمض
حتى لو الدنيا ضلمة
ياما، ياما
مش عارف أنا مين فبتقمص
هقولك إني بجيبها وهي طايرة وبشوفها وأنا مغمض
حتى لو الدنيا ضلمة
ياما

[المقطع الثالث]
ماتقولش النكتة تاني خلاص مش لازم أضحك
يوسف ألطاي في الموبايل زي التمثال في المتحف
بسجل في الدولاب لحد ما الخشب إتكسر
والنجاح خوف من الفشل مش أكتر
جملي طويلة فميرسي إنك بتلخصهالي
مفيش حباية هتنسيك إنك مشخصاتي
ع الحيط خطوة وع السقف خطوتين
تايه في الفضاء، مكسوف أسأل كوكب الأرض منين
مابقولش كلام تنساه، أنا مش تمثال على وضعي ثابت
كتبت الڤيرس تحت المياه فصوابعي دابت
مش هحتاج طبق غويط ولا معلقة شاي
عشان أقلب وأعرف الحويط متشعلق إزاي
معملتش زيه وكنت لسه جديد ومحتاس
ما سمعتش منكو غير ضحك فبقيت عديم الإحساس
بخش الاوضة فإحتراما منكو قلوبكو بتقف
من كتر ما أنا سابقكو ببص ورايا بشوفكو نقط
أجيبلك السكر أزرع في أرضك قصب
هتموت وتعيط بتقرقض بصل
يا لابتوب من غير شاحن كان فاضله شرطة وفصل
الفرق واضح علي مرمي البصر
بصمة وأثر، بتبرمج، وصل؟
بالسلامة كنت لسه ها بس شطبنا
نبضك يتلخبط، تتأثر والخضة
مش حلوة زي القبض
أبدر وحشة زي القبر قرب
سهرة و ١٠٠ سطر
أقراه صقر ومش بترقص
حاسب خد البون
أنا التوتال
النوتة بتلفها
مش فارقة كام بولة كباية بسكوتة هغرفلك
أيامكو معايا سودة وبتبهت
رابرز بالفلو بكتفها
ده سهل زي بلع منجاية أو خوخة بالبذرة
[اللازمة]
مش عارف أنا مين فبتقمص
هقولك إني بجيبها وهي طايرة وبشوفها وأنا مغمض
حتى لو الدنيا ضلمة
ياما
مش عارف أنا مين فبتقمص
هقولك إني بجيبها وهي طايرة وبشوفها وأنا مغمض
حتى لو الدنيا ضلمة
ياما