[المقدمة]
الكسل
هل الأستاذ مفيد إنسان كسول؟
لا يمكن، أنا بعتقد إن أنا

[اللازمة]
كل حاجة وليها تمن
هفضل دايماً زي ما أنا
بتأكد أكتر مع الزمن
هنا مش هتلاقي أمل

[المقطع الأول]
بصحى الصبح في وقت سيء
بروح الشغل أجيب قليل
باين جداً إني متيس
ما تسألنيش لو نمت كويس
معلش الدنيا كانت زحمة
ما عرفتش أركن كانت سحلة
طموحي في الزبالة تحتك
إتعلمت في البيت عمري ما أحلم
كل حاجة بتوجع أكتر
حتى كلامي بقى أقصر
عايش التجربة ناقصة
إتعودت على إني أخسر
ده الواقع حاف ما يغركش الإستخفاف
لا أستمع ولا أتشاف تلم دلع وكذاب
اللي جاي أوحش أكيد فا ماببصش لقدام
أنا ببص تحت رجلي عشان دوست على ألغام
حتى ده مش قادر أكتبه
ده جوايا ومش هغلبه
أنا بنفسي اللي مكركبه
إللي يقولي غير ده هكذبه
[اللازمة]
كل حاجة وليها تمن
هفضل دايماً زي ما أنا
بتأكد أكتر مع الزمان
هنا مش هتلاقي أمل

[المقطع الثاني]
ده بالضبط إللي أنا عايشه
جوايا سواد أنا حايشه
بيطلع بزرار بقوم دايسه
وبقول بالضبط اللي أنا عايزه
تقريبا كل ده كان حلم
تقريبا كل ده كان فيلم
إكتشفت إني عمري ما كنت موهوب
تقريبا كل ده كان غل
قوم يا يوسف تلت ساعة
ما تدخلنيش في الهم بتاعك
مش قادر أشتغل في الإذاعة
حط في ودنك السماعة
شيل الشنطة إللي بتكرهها
كفاية القهوة إللي بتسهر
قاعدة غلط على ضهرك
نمت بدري من القهرة
فاتني الشغل صحيت متأخر
يوسف ما راحش مدرسته
إعتبروها أجازته
بقيت اللوجو اللي أنا رسمه
الكلام ده بيكتب نفسه
بعيدا عن الإنهيار
كله علي ما يرام
رقم واحد أنا عصام
[اللازمة]
كل حاجة وليها تمن
هفضل دايماً زي ما أنا
بتأكد أكتر مع الزمان
هنا مش هتلاقي أمل
هنا مش هتلاقي أمل
هنا مش هتلاقي أمل
هنا مش هتلاقي أمل
هنا مش هتلاقي أمل

[الخاتمة]
هل أنت كسول في حياتك الإجتماعية
إطلاقا، مصحصح لكني بيتوتي
ما بنزلش كتير، ما بروحش كتير لناس
لكن حريص في المناسبات في الأحزان
مش بالضرورة