[المقطع الأول]
خايف من إيديا تتمد عليها تاني
خايف من عينيا متتشافش من عينيها تاني
خايف م الأناني لا أديله وشي ياكله
خايف اللي بعده يبقى أوحش من اللي قبله
خايف أموت وأقابله
خايف من اللي عملته فيك وفيه وفيها
خایف متصدقش لما أقولك هي دي الحقيقة
وأنا كنت خايف أقولها، دلوقتي خايف أشوفها
دفنتي خايف أروحها، خايف من الصحبة
خايف أدي ضهري آخد سكاكين
خايف من بكرة ميجيش أو بيجي ومیمشیش
أو يمشي ويسيب ذكريات وحشة مبتتنسیش
خايف أعيش، خايف من الشمس فبقفل الشیش
بكذب على مين؟ نفسي
رايح على فين؟ جهنم
خايف أخاف فمبخافش إلا إني أندم
مش سامعني يا أدهم؟ أبقى قابلني هناك
أنا مش جاي أصلًا بسأل بس إيه الكلام
أصلي بقیت بخاف

[الجسر]
البطء في الحركة وقلة نوم، وانطواء رفض
رافض ياكل رافض يتكلم هيقول إيه يعني لو اتكلم؟
الموضوع محسوم بالنسباله سواء كان فشل في كل حاجة بسبب إنه فاشل
أو بقى فاشل بسبب إنه فشل ف كل حاجة، فاهم؟
هي كده
[المقطع الثاني]
خايف أخون فا بخون
خايف أتكون فا بكون
خايف أرد على سؤال هضطر أموت ولا أموت؟
ولا بأفوت ولا بفوت
أنا متثبت أنا مربوط
أنا متأكد إني شاكك
أنا الخابط أنا مخبوط
مش متأكد إني ماسك كويس في الترابزین
مرض في حد ذاته مش عارف المرض إيه
شاب درامي شاف مسلسل بيصور بكاميرتين
سيبك يابني منه مین عارف ده ضرب إيه
یا قدر يا زمن ركبي سابت من سواقتك
وأنا مش حمل الموت، بخاف من المواجهة
هو أنت؟
في المراية وجودي بالنسبالي مفاجأة
زمان کنت بأبص ألاقي أدهم
لساني أتكتم، دلوقتي بـأبص ألاقي الكفن
كان باقي الندم، بس الباقي اتدفن
كنت عایش في ذكرى والعيشة نستني فا مُت
لسة خايف من يا ريتني ويا ريتني ما كنت

[الخاتمة]
الرأي ده شيء مش ملموس ولا في إثبات على صحته أو وجوده أصلًا
الرأي ملوش وجود إلا لو عندك إيمان بيه فاهم؟
أنا مش شايف إن رأيي ليه وجود عشان أنا مش مقتنع بيه أصلًا، أنا كل يوم بتعلم حاجة جديدة .. وباكتشف الحياة أكتر، وبعرف إني كنت غلط
فرأيي مش هيتغير
فرأيي مش هيتغير
فرأيي مش هيتغير
بيتغير كل يوم
بيتغير كل يوم
استحالة أقتنع بوجوده، كده أنا مليش رأي أصلًا