[المقدمة: أدهم تاج]
معانا ريال، معانا ريال
ده مبلغ حلو، ومش بطال
كانوا بيقولوا كده زمان
نسينا الرضا، كله طمعان

[المقطع الأول: أبيوسف]
اللي فوق فوق، ناسي الموت
مات الذوق، قاسي
راسه لفوق، جامد موت
ساكن دور عالي
بالفلوس ماسك، اللي تحته في طوق ماشي
ماشي يدوس، مهما يكون تمن الروح غالي
دور البيه، عايش فيه بمصروف دادي
غسيل إيدين، مسؤولية، هو في دور تاني
علشان جنيه، يهون عليه يمشي أخوه حافي
علشان ٢ ممكن، يبيع أمه وأبوه عادي

[اللازمة: أبيوسف]
القرش خبيث، خلاني أهيص
وأنسى التفكير، وعماني
والعيشة كمان، فرشة أحلام
قلبت كوابيس، وبعاني
القرش خبيث، خلاني أهيص
وأنسى التفكير، وعماني
والعيشة كمان، فرشة أحلام
قلبت كوابيس، وبعاني
[المقطع الثاني: أدهم تاج]
معانا مليون، معانا مليون
والمكسب مضمون، مضمون
هجيبه هجيبه، مهما يكون
وإنشالله اللي يجوع يجوع

[المقطع الثالث: أبيوسف]
اللي تحت تحت، وسط الفحت
في الطابور واقف
شقيان ورا حقه
وسط الزحمة، والضغوط زادت
واللي جنبه جه وزقه
أصل الجوع كافر
العدل حلم، والظلم فيلم
وملوش آخر
رغم كل ده، الصبر مع الهموم ثابت
في قلب الفقر، تلاقي الكرم في البيوت ثابت
وفي أي ظرف، تلاقي الشهم بالمليون واقف
الرضا مش صعب، والغنى في القلب
واللي فوق شايف

[اللازمة: أبيوسف]
القرش خبيث، خلاني أهيص
وأنسى التفكير، وعماني
والعيشة كمان، فرشة أحلام
قلبت كوابيس، وبعاني
القرش خبيث، خلاني أهيص
وأنسى التفكير، وعماني
والعيشة كمان، فرشة أحلام
قلبت كوابيس، وبعاني