[Testo di "Fuje Tanno"]

[Strofa 1: Luchè]
Respiravo tutt''e sere 'o stesso addore
Nu misto tra gemento e fierro e nuje fiere 'e nasconnere 'o core
Orgoglio che fa ciente a ll'ora, 'e diente gialle 'e dialetto
I' vestevo sportivo, maglia rosse e croce 'mpietto
'E sorde hann''a ascì a fforza a forza 'e magnà a muorze 'a vita
Na bara 'mpietto 'o primmo tatuaggio che vedette, a 'gnostro niro
E ll'uocchie mi' tantille annanze a 'sti bicchiere chine
Fravule e champagne, 'e fierre senza muorte 'ncuollo e vvide
P''e sorde 'e carta nn'ce sta 'o riesto, volano liggiere
Cchiù 'e n'ommo c'ha perzo 'e cchiave 'e ll'anema appriess'ê zere
Quanti corze a pede aret'ô fummo d''a musica
Ggiuro, i' resto overo finché 'e sorde nun m'abbruciano
E accusano che 'e parole meje so' finte
Appicce 'e fare ca nn'veco 'o dimane
È luntano, è nu dito, è na mano, ah
Femmene ann*** e 'a vanità 'nfoca
'E frate faveze fanno pesà 'e piacere, liquore 'mmano 'a sera

[Ritornello: Ntò & Luchè]
È meglio niente 'nzieme ch'essere ricche sule
Ll'uocchie mmieze chiuse, ah, fuje tanno
'O treno ca ce passe 'ncapa, 'e sorde 'int'ê poker
Fa friddo ê mmane 'a sera, ah, fuje tanno
Perplesse 'e prufessure, 'a vita dint'ê studie
Signore, aiutace ccà fore, fuje tanno
Te scuorde ch'ire ajere, ispirazione è perza
Te siente priggioniero, ah, fuje tanno
[Strofa 2: Ntò]
'E labbre ca abbruciavano comme 'o curaggio d''e buciarde
Meliune d'euro parchiggiate, 'e strade addò faje 'o giallo
Poco distante diece persune, ddoje stanze, 'e guagliune
E 'o carattere eccessivo ch''e ffa vattere
Scarpe nove, barbe longhe comme 'e storie che racconte
Dint'ô sfondo 'e nastre 'e Patrizio
"Tengo vint'anne", frase triste, fuje tanno
'E statue a Cristo ch''e sorde d''e ddose
Mo addora 'e rose addò Nello arreposa pe sempe
Penzo che serve a coccosa comme 'o cunziglio 'e nu pate
Segge avutate 'o cuntrario, alcol e discorze
Da ll'isola 'e Nisida fino ê Secondigliano
C''o fisico, 'e libbre 'mmano, o libbere ch''e calibre
Destine scritte o scelta 'e vita?
'E lluce blu t'abbitue, fridde te difiende, nn'te fide
Na melodia accumpagne l'odio, l'edicola fernesce 'e cronache
'Stu posto proveche rummore e commuove gli ipocrite
X5, sale bingo, dince chi sfaccimma sî

[Ritornello: Luchè & Ntò]
'O treno ca ce passe 'ncapa, 'e sorde 'int'ê poker
Fa friddo ê mmane 'a sera, ah, fuje tanno
È meglio niente 'nzieme ch'essere ricche sule
Ll'uocchie mmieze chiuse, ah, fuje tanno
Te scuorde ch'ire ajere, ispirazione è perza
Te siente priggiuniere, ah, fuje tanno
Perplesse 'e prufessure, 'a vita dint'ê studie
Signore, aiutace ccà fore, fuje tanno
[Strofa 3: Luchè & Ntò]
E 'a musica ê vvote calmava, ê vvote schizzava
I' annascunnevo 'e riflessione aret'ê casse e aret'ê schiaffe
Papà guardava 'a luntano strignenno 'e mmane
Cagnaje 'a fila 'e late c''a capa rasata
E ll'uocchie suoje lucide, e dint'ê mieje 'a fiducia nu limite
Criscenne addò 'sta raggia ce fa sentì allere
Mmane, manette, carenze d'affetto
Pierde nu figlio ô marcipiede 'e rimpetto
'St'abbraccio nun è perfetto, fuje tanno c'ho capette
E ancora cunfedenza, sentimente c''o 'nteresse
P'abbitudine, ex malavituse, ggiuvene nervuse
Robbe 'int'â cucina e fucile sott'ô siggiulino
Saglie 'o palco, 'a Caracciolo, 'e palme
'E ppalle nun so' 'e chi spara, lente fumé
Cu'mmé ce l'haje? Sî nu violento, e te disturbe subbito? Stupido
Maje lassate â questura fotografie e 'mpronte pecché i' capette forze
Ch'er''a brucià 'a bandiera 'e l'obbedienza all'uniforme

[Ritornello: Luchè & Ntò]
'O treno ca ce passe n'capa, 'e sorde 'int'ê poker
Fa fridde ê mmane 'a sera, ah, fuje tanno
È meglio niente 'nzieme ch'essere ricche sule
Ll'uocchie mmieze chiuse, ah, fuje tanno
Te scuorde ch'ire ajere, ispirazione è perza
Te siente priggiuniere, ah, fuje tanno
Perplesse 'e prufessure, 'a vita dint'ê studie
Signore, aiutace ccà fore, fuje tanno