[المقدمة: تومي]
عيني على عيونك ولا عيونك على حد
قولي مهما تقولي مش هتلاقي مني تاني
ولا دموع تنزل على الخد

[المقطع الأول: تومي]
وتشهد الليالي انك كنتي على بالي
دلوقتي مش شاغلاني ولا حتى شاغل بالي
شاغل بالي بحالي، عشان حالي كان احلالي
وانت تروحي معاهم
روحي معاهم ماتجيش تاني
صدقت احساسي
كدبتي ايامي وقولتي اناني
وانت اخترتي تروحي تكوني لحد تاني
انا هنساكي
كان بيننا صورة وذكرى وضحكة وانت اخترتي تروحي بعيد

[المقطع الثاني: ليل نوبي]
ده اللي بينا صوره
ذكريات في ماضي مع الوقت انساها
لعبت دور بطولة
عمري كان قصادي في لحظه كان ورايا
حب كان مرايه، خدعه مالوش تمن
مع الوقت انساكي مافيش رجوع تاني
قلبي كان اناني عدى ماضي وزمن
سنين تعدي ولو هنساها مانساش اللي كان وياها
مانساش اللي كان معاها مانساش اني شوفت دموع
كل مرة تزيد مسافة للاسف مافيش اجابه
والقصه مالهاش نهايه للاسف مافيش رجوع
مهما تقولي اني غلطان
لومي مهما تلومي
مش هتشوفي دمع عيوني
مهما تلفي مهما تدوري
قلبي وعقلي في صدام
والسبب كانت هي عيونك
مهما تقولي مش هتكوني
مهما تقولي مش هتعودي
[اللازمة: تومي]
عيني على عيونك ولا عيونك على حد
وانا لو بدونك او بوجودك هبقى حد
قولي مهما تقولي مش هتلاقي مني تاني
ولا دموع تنزل ع الخد

[المقطع الثالث: حسين]
العين بتشوف الأحسن منها وتحسدها
الحب كدبة واللي يعيشها بيكدبها
مش كل البشر زي بعض بـ ١٠٠ وش
والظاهر ان انا غلطت ماكنتش بحسبها
انا اللي عايش بتعلمني اخطائي
بدون اخطائي كنت فضلت فمكاني
بقول لنفسي دايما غدا القاكي
بحاول اغير في المستقبل قدامي
متعود مابكيش مش بحزن على حد وعلى حاجة اذياني
ده الوقت اللي يروح مش هيرجع والشهر بقى يعدي ثواني
ف يا قلبي ملوش لازمة انك توجع وتفتح في قصص من تاني
ويا عقلي ابوس يدك تسمع هتفكر في الغير هتعاني

[الجسر: تومي]
مهما تقولي اني غلطان
لومي مهما تلومي
مش هتشوفي دمع عيوني
مهما تلفي مهما تدوري
قلبي وعقلي في انصدام
والسبب كانت هي عيونك
مهما تقولي مش هتكوني
مهما تقولي مش هتعودي
[اللازمة: تومي]
عيني على عيونك ولا عيونك على حد
وانا لو بدونك او بوجودك هبقى حد
قولي مهما تقولي مش هتلاقي مني تاني
ولا دموع تنزل ع الخد