[Strophä 1]
I bin es Fass ohni Bode u ne Fernwehfahrer
Gah bis a Rand vor Wäut u när no ei Schrett meh
Ohni Kompass, ohni Stoppuhr
's git no so viu, won I no nie ha gseh

[Vorrefrä]
D Wäut isch es Wunger
Bi drüber u drunger
Sie verschlat eim d Schprach
Ha Gluscht u Gwunger
Ha Durscht u Hunger
Es ligt no so mänge Acher brach

[Refrä]
I ha no lang nid aus endteckt
Wo sech vor mir het verschteckt
Wenn i aus wo me cha gseh, o chönnti gseh
I gäbt viu derfür
Glych wie wyt wäg, dass me geit
Glych wohi dr Wing eim treit
Es landet jede immer wieder vor syre eigete Tür

[Strophä 2]
I bin es Fass ohni Bode u ne Fernwehfahrer
Ga häb-chläb vo irgendwie bis irgendwo
Ging müglechscht wyt wäg vo dr Houptschtrass
I reise nid, wüu I a ds Ziel wott cho
[Vorrefrä]
D Wäut isch es Wunger
Bi drüber u drunger
Sie verschlat eim d Schprach
Ha Gluscht u Gwunger
Ha Durscht u Hunger
Es ligt no so mänge Acher brach

[Refrä]
I ha no lang nid aus endteckt
Wo sech vor mir het verschteckt
Wenn i aus wo me cha gseh, o chönnti gseh
I gäbt viu derfür
Glych wie wyt wäg, dass me geit
Glych wohi dr Wing eim treit
Es landet jede immer wieder vor syre eigete Tür

[Brugg]
E chly fingerle hie, e chly fingerle da
Mau ine, mau use, mau cho u wider gah
Sueche u finge, verlüüre u fa
Luege, lose, loufe u när wieder blybe schtah
Mau chly ufe mau chly abe, mau mit Lüt, mau allei
Mau mit disem, mau mit jenem, über Schtock, über Schtei
Mau liecht wie ne Vogu, mau schwär wie Blei
Mau so oder so, mau ja u mau nei
[Refrä]
I ha no lang nid aus endteckt
Wo sech vor mir het verschteckt
Wenn i aus wo me cha gseh, o chönnti gseh
I gäbt viu derfür
Glych wie wyt wäg, dass me geit
Glych wohi dr Wing eim treit
Es landet jede immer wieder vor syre eigete Tür