[Intro]
Über ihre kreise d Geier
I auer Rysfäudrueh
Da braut sech irgendöppis zäme
Wo am Schluss när niemer het gseh cho...

[Schtrofä 1]
Sie träit dert uf ihrer Umloufbahn
Oder i däm änge Schnäggeloch
Schüttet vom Hohle i ds Lääre
U malt sech ds Meischte uus
U ihres Härz het se im Schtich gla
Het sech scho lang us em Schtoub gmacht
U sy Name treit sie für immer
Unger ihrer Huut

[Röfrä]
Sie seit:
"I bi uf myre Umloufbahn u sammle Schicksalsschleg
Alptröim, Abschtürz u missglückti Plän
Faugruebe u fautschi Fährte
Scham u Zwyfel, Wuet & Truur
Bluet u Träne, Sorge u Leid
Das aues blybt eim Treu, dr räscht vergeit!
Aber säg, wär het scho aus im Griff?
D Insle gsehn i säuber – zeig mir ds Schiff!"
[Gitarresolo 1]

[Schtrofä 2]
D Tage si ne Rosskur u so si ihri Nächt
Da hanget schtändig öppis düre
Sie het meh aus eis Ysen im Füür
Wo sie sech d Finger dran verbrönnt
U die süesse Frücht die hange
Immer z oberscht i dr Chrone
U blöderwys o no geng
A de dünnschte Äscht

[Röfrä]
Sie seit:
"I bi uf myre Umloufbahn u sammle Schicksalsschleg
Alptröim, Abschtürz u missglückti Plän
Faugruebe u fautschi Fährte
Scham u Zwyfel, Wuet & Truur
Bluet u Träne, Sorge u Leid
Das aues blybt eim Treu, dr räscht vergeit!
Go, go, go, go!

[Gitarresolo 2]

[Brugg]
Säg, wär het scho aus im griff?
D Insle gsehn i säuber – zeig mir ds Schiff!"
[Schluss]
Sie löscht ds Liecht im Gang
U leit sech i ds Bad
U wartet dert mit offne Arme...