[Verse 1]
Husch chinder
Lueget es isch damewahl
I bringe lässig ds pokergsicht
E blick us salz
E blick us schtahl
Eine protzig
Eine schlicht
U mys glas isch läär
U I ha d nase voll
D luft wird langsam dick
Dr smart king cool
Wird zum papa moll
Wüll du dürlüüchtisch jede trick

[Chorus]
I la kes gheimnis gheim
Vor dir u vor angerne lüt
I la kes gheimnis gheim
Aber vo mir verzellen I nüt

[Verse 2]
So eländ mängi nacht mit schtromusfall
U jitz dä tanz uf em vulkan
Mal sy's fanfareschtöss
Mal singt e nachtigal
Mal isch es speed
Mal baldrian
Nie nüt gä für ne märlifee
Hätt alles gä für ne häx
I weiss du dänksch
I sigi halb so heiss wie schnee
We'd mi nid wosch de sägs
[Chorus]
I la kes gheimnis gheim
Vor dir u vor angerne lüt
I la kes gheimnis gheim
Aber vo mir verzellen I nüt