[المقطع الأول]
جغرافيًا إنتي مسكن، إنتي مأوى
إنسانيًا أيوة ببقى معاكي أقوى
إجماليًا إنتي كوم والدنيا كوم
معنويًا كان ظهورك ليا دفعة
كنت تايه، شفت روحي معاكي راجعة
إجباريًا فيكي واقع مش هقوم

[اللازمة]
حلم واحد، مش في بالي أنا حلم غيره
تبقي ليا وأي حاجة تاني مش مهم
قلبي عدّل ترتيباته وعدّل خط سيره
وإنتي جنبي ببقى هادي ومستجم

[المقطع الثاني]
بين رموشك دنيا غير الدنيا قايمة
بحر واسع، فيكي كل الناس دي عايمة
كله قدم روحه مهر عشان يفوز
يا اللي صوتك نسمة ساعة صبح هلّة
لون عيونك فيه جمال الكون تجلّى
والمقارنة بيكي طبعًا لا تجوز

[اللازمة]
حلم واحد، مش في بالي أنا حلم غيره
تبقي ليا وأي حاجة تاني مش مهم
قلبي عدّل ترتيباته وعدّل خط سيره
وإنتي جنبي ببقى هادي ومستجم