[المقطع الأول]
أنا قلت يوم والتاني
هيناسوا قلبي زمان
وآديني لسه مكاني
وآدي مافيش نسيان
يا سايب حاجات وحشاني
لو رحت أي مكان
موضوع تروح من بالي
ما طلعش في الإمكان

[اللازمة]
على نفس الحال بقالي
أيام وسنين بعيش
وما فاتش من الليالي
ولا ليل ما وحشتنيش
معروف إن اللي سابك
ساب درس ما ينتهيش
وإنت الدرس في غيابك
إنك ما بتتنسيش

[المقطع الثاني]
خلصت كل كلامي
ما خلاص هقولك إيه
لسه اللي فات قدامي
وأنا لسه عايشة عليه
بقى هان عليك تنساني
وقدرت تمشي بعيد
وسايبني مش لاقياني
ولا لاقية بكرة جديد
[اللازمة]
على نفس الحال بقالي
أيام وسنين بعيش
وما فاتش من الليالي
ولا ليل ما وحشتنيش
معروف إن اللي سابك
ساب درس ما ينتهيش
وإنت الدرس في غيابك
إنك ما بتتنسيش