[المقطع الأول]
صوت رنة المفتاح في الباب ساعة أما توصل
ومكالمة نص اليوم لما من غير داعي تسأل
والزعيق من ورا قلبك لما أصالحك وتتقل
وحضنك اللي بنسى قبله ليه كنت بزعل
رأيك اللي كله حكمة، صوتك حفظته
كل موقف يوم زعلني وبعدين فهمته
إنت اللي أنا رافعة راسي من ورا إسمه وسيرته
بنت أبويا وآه يا بختي بعمر وياك عشته

[اللازمة]
بيقولولي إني شبهك، إني زيك، حتة منك
روحي روحك، واخدة قلبك في المشاعر والكلام
بيقولولي اللي شافوكي كتير لاقوكي بنت أبوكي
ده في سلامه وإهتمامه، يا بختي قالوا بنت أبويا يا سلام

[فاصل]
آه-آه-آه
آه-آه-آه
آه-آه-آه

[المقطع الثاني]
لما تقلق وأنا أخبي لتزعل عشاني
وأما في طريقنا نسافر ونشغل أغاني
وأما تشوف مني دمعة وتعمل مش شايفها
بتخاف تكسفني وتحسسني إنك كاشفها
إنت سندي وإنت ضهري وصاحب عمري كله
لما بشكي، لما بحكي، مين غيرك أروح أقوله
يا اللي مهما كبر سني هفضل أعيش في ضله
يا حبيبي يا رب يخلي صوتك العمر كله
[اللازمة]
بيقولولي إني شبهك، إني زيك، حتة منك
روحي روحك، واخدة قلبك في المشاعر والكلام
بيقولولي اللي شافوكي كتير لاقوكي بنت أبوكي
ده في سلامه وإهتمامه، يا بختي قالوا بنت أبويا يا سلام

[الخاتمة]
آه-آه-آه
آه-آه-آه
آه-آه-آه