[المقطع الأول]
أنا حاطة عينيا عليه
أنا عارفة بيعمل إيه
لأ وكمان مش هغلب فيه
لسه صغير مش قدي
يمشي أعرف رايح فين
يجي أعرف جي منين
كلم مين وقعد مع مين
أنا أخباره كلها عندي

[اللازمة]
يا خيبته
يا ويله يا مصيبته
يا نهاره ويا سواد ليلته
لو فكر يوم يزعلني
يا حوسته
ده يتقطم وسطه
لو هتهلوسله هلوسته
ويفكر يوم يغيب عني

[المقطع الثاني]
لو راح في مكان وما قالش
مع إن ده ما بيحصلش
عيني عليه وما بغفلش
والعصفورة تيجي تقولي
أنا من غير ما أمشي وراه
طول الوقت مراقباه
وأعرف مين اللي معاه
أنا كل حاجة بتوصلي
[اللازمة]
يا حظه
لو شيطانه وزه
إنه يجرب معايا حظه
ويبص لواحدة تاني غيري
يا غلبه
يا وجع قلبه
ده بشوقه وذنبه على جنبه
لو راح أي حتة من غيري

[المقطع الثالث]
لو سابني وراح مشوار
بلقُطه وكإني رادار
بعرف كل الأخبار
من أولها لآخرها
أنا واثقة إنه ما يغلطش
أنا عارفة إنه ما يقدرش
لكن برضه أنا ما أضمنش
في حاجات يقدر يعملها

[اللازمة]
يا خيبته
يا ويله يا مصيبته
يا نهاره ويا سواد ليلته
لو فكر يوم يزعلني
يا حوسته
ده يتقطم وسطه
لو هتهلوسله هلوسته
ويفكر يوم يغيب عني