[المقطع الأول]
في لحظة عايز اللي يعدل ميلك ويسند يشيلك
ووسط زحمة حياته يجيلك
يوصل في ثانية، يسبق بخطوة
يحميك بقوة، ما لكش إلا هو
في حد لما تخبط هيفتح يقابلك ويفرح
من قلبه عايز يشوفك بتنجح
يساعدك بفكرة، معاك خطوة خطوة
دا ما سابكش مرة إمبارح وبكرة

[اللازمة]
في حياتنا ناس هما الأساس
ثابتين معانا مهما إيه يجرى
في حياتنا ناس هما الأساس
حقيقي شكراً من هنا لبكرة
في حياتنا ناس هما الأساس
ثابتين معانا مهما إيه يجرى
في حياتنا ناس هما الأساس
حقيقي شكراً من هنا لبكرة

[المقطع الثاني]
دايمًا في ضهري، دا صاحب عمري
دا كنز، دا رزق، دا طوق نجاة
بيرد غيبتي لو جابوا سيرتي
ومافيش حد بيفرق معاة
بتجيلي فكرة، بتطق فجأة
هي المكالمة، فيقولي يلا
[اللازمة]
في حياتنا ناس هما الأساس
ثابتين معانا مهما إيه يجرى
في حياتنا ناس هما الأساس
حقيقي شكراً من هنا لبكرة

[المقطع الثالث]
أنا في الدلع دايمًا سايقها
بقلقها، ياما نشفت ريقها
طلعت عينها الله يعينها
دا مافيش كلام يوصف حنانها

[جسر]
واقفة دايمًا جنب مني، شجعتني صدقتني
سندتني، ما وقعتش في يوم
دي اللي جنبي من البداية
خطوة خطوة كانت معايا
دي في سمايا ولا النجوم

[اللازمة]
في حياتنا ناس هما الأساس
ثابتين معانا مهما إيه يجرى
في حياتنا ناس هما الأساس
حقيقي شكراً من هنا لبكرة