[Testo di "Senza Giacca E Cravatta"]

[Strofa 1: Nino D'Angelo]
Quanta strada aggio fatto
Pe saglí 'sta furtuna
'Mmiez'â gente distratta
Io nun ero nisciuno
Quanta notte scetato
Pe scalá chillu muro
'Mmiez'ê figlie scurdate
Aggio appiso 'a paura

[Pre-Ritornello: Brunella Selo]
Io aspettavo a te
Crescevo dint'ô sanghe
'A musica vullente
Te bruciava a dinto
E tenive a me
Comme urdema speranza
Me sentive 'ncuollo
Dint'a tutt''e panne

[Ritornello 1: Nino D'Angelo]
Vita mia
Mo volo 'nziem'a te
E 'stu viaggio 'e canzone
M'hê tant'ammore pe vivere
Vita mia
Mo corro 'nziem'a te
A purtá tutt''e suonne cchiù belle
A chi ancora ha dda esistere
[Strofa 2: Nino D'Angelo]
Quanta strada aggio fatto
Pe saglí 'sta furtuna
Senza giacca e cravatta
Accussì so' venuto
'Mmiez'ê facce 'mportante
C'hanno tuccato 'a luna
Guardo areto ogni tanto
Pe capí addò so' ghiuto

[Pre-Ritornello: Brunella Selo]
Io aspettavo a te
Crescevo dint'ô sanghe
'A musica vullente
Te bruciava a dinto
E tenive a me
Comme urdema speranza
Me sentive 'ncuollo
Dint'a tutt''e panne

[Ritornello 2: Nino D'Angelo]
Vita mia
Mo volo 'nziem'a te
'Ncopp'ô tiempo ca resta
'Int'â faccia mettimece a ridere
Vita mia
Mo corro 'nziem'a te
E continua 'stu suonno scetato
E io so' n'ommo cchiù libero
[Ritornello 1: Nino D'Angelo & Brunella Selo]
Vita mia
Mo volo 'nziem'a te
E 'stu viaggio 'e canzone
M'hê tant'ammore pe vivere
Vita mia
(Io aspettavo te
Crescevo dint'ô sanghe)
Mo corro 'nziem'a te
('A musica vullente
Te bruciava a dinto)
A purtá tutt''e suonne cchiù belle
(E tenive a me
Comme ultima speranza)
A chi ancora ha dda esistere
(Me sentive 'ncuollo
Dint'a tutt''e panne)