[Testo di "Naufragio a Milano"]

[Strofa 1]
Integrazione, parola amara
Collacamento 'mmiez'ô ciemento
Orario fisso, frastuono dint'â capa
Chist'è 'o paese 'e rraggiuniere
Uommene, fimmene, creature
Tutte raggiunano a tutte quante l'ore

[Ritornello 1]
Io comme puozzo raggiuná
E comme puozzo raggiuná
Si raggiuno, ll'uocchie chiagne fora milleciento lagreme
I' m'aggi''a scurdá 'o sole
I' m'aggi''a scurdá 'o mare, l'acque chiare
I' m'aggi''a scurdá l'erba, 'a voce antica d''o silenzio
'Mmiez'ô vico e 'a caccavella e 'o putipù
E comme puozzo raggiuná
E comme puozzo raggiuná

[Strofa 2]
Ah 'stu naufragio dint'a Melano
Senza na varca e pure senza 'o mare
E tu me dici: "Stasera usciamo", e dove?
Vie scanisciute e figure ignote
Lampade al neon, Carmela cara
Torniamo a cuccia, oi né, ca nun è cosa
[Ritornello 2]
E zitti senza raggiuná
E commo puozzo raggiuná
Si raggiuno, ll'uocchie chiagne fora milleciento lagreme
Nun ce resta che l'ammore
Nu disperato, antico, eterno ammore
Se smorza 'a luce, 'a branda cigolando 'int'â nuttata fridda
Tutti i mali nosti fa passá
E comme puozzo raggiuná
Comme puozzo raggiuná

[Bridge]
E 'stu naufragio dint'a Melano
Se chiamma un nome: immigrazione
Immigrazione significa terrone
E poi terrone vuol dire fame
Vuol dire suonno, vuol dire figli
Vuol dire paese volato via, vuole dire nustalgia

[Ritornello 3]
E comme puozzo raggiuná
E commo puozzo raggiuná
Si raggiuno, ll'uocchie chiagne fora milleciento lagreme
Nun ce resta che l'ammore, nu disperato, antico, eterno ammore
Se smorza 'a luce, 'a branda cigolando 'int'â nuttata fridda
Tutti i mali nosti fa passá
E comme puozzo raggiuná
Comme puozzo raggiuná