Qué probe quedó'l ríu Güerna
Qué probe'l so valle verde
Si vida dieron sos agües
Muerte dieron les orielles

Nun maldigo yo'l to nome
Ríu que nun yes inocente
Nun quiero sinón que sepas
Qu'Asturies ya náa te debe

Pos si disti lluz a un home
D'alboraes llampisteru
Mal-y pagasti el s'oficiu
Cola tarde de xineru

El que yera una campana
Axuntando los mugores
Y llabraor de llibertaes
Dende diеntro les prisiones

Golverá, Xuanín, to voz
Siеmpre al tayu solidariu
Obreru de la esperanza
Y del dolor unitariu