[المقطع الأول]
اللي بحبه لقيته فيه
عجباني أوي شخصيته
أحكي عليه إيه ولا إيه
عن شجاعته وجرئته
هو الله أكبر عليه
يتحسد على رقته
اللي في إيده كمان مش ليه
من كرمه وحنيته
كل الناس بتقول عليه
راجل قد كلمته
قلبي وجعني وأعمل إيه
أنا مشدودة من ناحيته
جذاب أوي وهموت عليه
هيجنني بضحكته

[اللازمة]
آه يانا من كلامه وإبتسامته ياني
عليه عيون لكن مدوخاني
بدوب وبنسى إسمي لو نداني
وبنسى نفسي من سلام إيديه
آه يانا من كلامه وإبتسامته ياني
عليه عيون لكن مدوخاني
بدوب وبنسى إسمي لو نداني
وبنسى نفسي من سلام إيديه
[المقطع الثاني]
أنا على سيرته بقوم وبنام
وخلاص قربت أحفظه
مهما إتقال في حبيبي كلام
هو مالي مركزه
لو كان واقف وسط كام
لو بين ألف بميزه
من خوفي عليه من الأيام
أنا بدعي الله يحفظه
لو في الدنيا في منه إتنين
كانت الدنيا إتغيرت
وياريت الناس التانيين
كانت منه إتعلمت
بس ده كل فين وفين
لو وسامته إتكررت

[اللازمة]
آه يانا من كلامه وإبتسامته ياني
عليه عيون لكن مدوخاني
بدوب وبنسى إسمي لو نداني
وبنسى نفسي من سلام إيديه
آه يانا من كلامه بس ياني
عليه عيون لكن مدوخاني
بدوب وبنسى إسمي لو نداني
وبنسى نفسي من سلام إيديه