[المقطع الأول]
كنا سنة حاجة وتسعين
كنا ساعتها صغيرين
كان كل اللي بيملى قلوبنا
في ثانية نقوله بنظرة عين
كان الباب قدام الباب
ولا عاملين للدنيا حساب
أجمل حب الحب اللي إحنا
بنحسه وما إحناش خايفين
بنحسه وما إحناش خايفين

[قبل اللازمة]
وسنين بتاخدنا سنين بتجيبنا سنين وتسيبنا سنين
والذكرى اللي ما بتسيبش قلوبنا تسيب جوانا حنين
وسنين بتاخدنا سنين بتجيبنا سنين وتسيبنا سنين
والذكرى اللي ما بتسيبش قلوبنا تسيب جوانا حنين

[اللازمة]
للعمر اللي ضايع
ولطعم الشوارع
والليل اللي سهرناه
والآه وأحلى الكلام
حبنا وحكاياته
أيامنا اللي فاتوا
لو مهما نعيش ونعيش
ده مافيش زي دي أيام
[بعد اللازمة]
كنا سنة، كنا سنة
كنا سنة حاجه وتسعين

[المقطع الثاني]
لسه أنا فاكرة وبالتفاصيل
وجع إنما له طعم جميل
أول مرة يقولي بحبك
أول نظرة ولمسة إيد
برد الشتا ومطر أمشير
في الهوا زي فراشة بطير
لامة جراحي وفاتحة جناحي
كنت بروح بخيالي بعيد
كنت بروح بخيالي بعيد

[قبل اللازمة]
وسنين بتاخدنا سنين بتجيبنا سنين وتسيبنا سنين
والذكرى اللي ما بتسيبش قلوبنا تسيب جوانا حنين
وسنين بتاخدنا سنين بتجيبنا سنين وتسيبنا سنين
والذكرى اللي ما بتسيبش قلوبنا تسيب جوانا حنين

[اللازمة]
للعمر اللي ضايع
ولطعم الشوارع
والليل اللي سهرناه
والآه وأحلى الكلام
حبنا وحكاياته
أيامنا اللي فاتوا
لو مهما نعيش ونعيش
ده مافيش زي دي أيام
[بعد اللازمة]
كنا سنة، كنا سنة
كنا سنة حاجه وتسعين