[المقطع الأول]
فهمت قصدك
بان من كلامك، في البعاد هتلاقي راحتك
ما أقدرش ألومك، إنت حر، خلاص براحتك
اللي إنت شايفه صح ليك روح وإعمله
وصلني ردك
أنا لو عليا هقول ياريتنا ما إتقابلنا
ما تشلشي همي هنسى كل حاجة بينا
ومافيش حبايب مش بيرضوا يكملوا

[اللازمة]
ما بقتشي فارقة معايا حتى الذكريات
عايز تسيبني سيبني وإبعد من سكات
ما بقتشي فارقة معايا حتى الذكريات
عايز تسيبني سيبني وإبعد من سكات
إن شاء الله تفضل طول حياتك كلها عايش لوحدك
(عايش لوحدك)

[المقطع الثاني]
هنسى اللي عدى
هنسى الغلاوة والمعزة والمحبة
الدنيا بتنسينا دايمًا حبة حبة
الصدمة بس ساعات كتير بتهزنا
وأهو درس خدته
وأهو كل واحد فينا حر يعيش براحته
وإن كان على عتابك خلاص أهو عدى وقته
على بعدي عنك هفضل أحمد ربنا
[اللازمة]
ما بقتشي فارقة معايا حتى الذكريات
عايز تسيبني سيبني وإبعد من سكات
ما بقتشي فارقة معايا حتى الذكريات
عايز تسيبني سيبني وإبعد من سكات
إن شاء الله تفضل طول حياتك كلها عايش لوحدك