[اللازمة]
ما تتكلمش عني بسوء ولا بالخير
بلاش دايماً تجيب إسمي في كل مكان
تملي اللي غلط يبقى كلامه كتير
بلاش سيرتي على الفاضي وع المليان

[المقطع الأول]
وعوّد نفسك إن إحنا بقينا إتنين
خلاص كل اللي كان بينا ده ماضي وراح
أنا وإنت خلاص روحنا ومش راجعين
وشيلني من حساباتك عشان ترتاح

[المقطع الثاني]
عملت اللي مفيش غيري هيعمله ليك
عشان خاطرك نسيت نفسي وعمري كمان
و١٠٠ مرة أنا وقلبي راهنا عليك
مفيش منهم ولا مرة كسبنا رهان
سنين ضيعتها في عمري عشان أرضيك
آه تعبت كتير عشان إنت تكون مرتاح
بتسأل "ليه أنا نسيتك؟" هرد عليك
عشان حبك ملى قلبي عذاب وجراح

[اللازمة]
ما تتكلمش عني بسوء ولا بالخير
بلاش دايماً تجيب إسمي في كل مكان
تملي اللي غلط يبقى كلامه كتير
بلاش سيرتي على الفاضي وع المليان
[الخاتمة]
ما تتكلمش عني بسوء ولا بالخير