Domine Jesu Christe, Rex gloriae
Libera animas omnium fidelium defunctorum
De poenis inferni
Et de profundo lacu

Libera eas de ore leonis
Ne absorbeat eas tartarus
Ne cadant in obscurum

Sed signifer sanctus Michaël
Representet eas in lucem sanctam
Quam olim Abrahae promisisti
Et semini eius

Hostias et preces tibi
Domine, laudis offerimus
Tu suscipe pro animabus illis
Quarum hodie memoriam facimus

Fac eas, Domine
De morte transire ad vitam
Quam olim Abrahae promisisti
Et semini eius