[Verse 1]
O, wha my babie-clouts will buy?
O, wha will tent me when I cry?
Wha will kiss me where I lie? -
The rantin dog, the daddie o't!

[Verse 2]
O, wha will own he did the faut?
O, wha will buy the groanin maut?
O, wha will tell me how to ca't? -
The rantin dog, the daddie o't!

[Verse 3]
When I mount the creepie-chair
Wha will sit beside me there?
Gie me Rob, I'll seek nae mair -
The rantin dog, the daddie o't!

[Verse 4]
Wha will crack to me my lane?
Wha will mak me fidgin fain?
Wha will kiss me o'er again? -
The rantin dog, the daddie o't!