[Verse 1]
O' I hae tint my rosy cheek
Likewise my waste sae sma';
O wae gae by the sodger lown
The sodger did it a'

[Chorus]
O Wha'll mow me now, my jo
An' wha'll mow me now:
A sodger wi' his bandileers
Has bang'd my belly fu'

[Verse 2]
Our dame hauds up her wanton tail
As due as she gaes lie;
An' yet misca's a young thing
The trade if she but try

[Chorus]
O Wha'll mow me now, my jo
An' wha'll mow me now:
A sodger wi' his bandileers
Has bang'd my belly fu'

[Verse 3]
Our dame can lae her ain gudeman
An' mow for glutton greed;
An' yet misca's a poor thing
That's mown' for its bread
[Chorus]
O Wha'll mow me now, my jo
An' wha'll mow me now:
A sodger wi' his bandileers
Has bang'd my belly fu'

[Verse 4]
Alake! sae sweet a tree as love
Sic bitter fruit should bear!
Alake, that e'er a merry arse
Should draw a sa'tty tear

[Chorus]
O Wha'll mow me now, my jo
An' wha'll mow me now:
A sodger wi' his bandileers
Has bang'd my belly fu'

[Verse 5]
But deevil damn the lousy loun
Denies the bairn he got!
Or lea's the merry arse he loe'd
To wear a ragged coat!

[Chorus]
O Wha'll mow me now, my jo
An' wha'll mow me now:
A sodger wi' his bandileers
Has bang'd my belly fu'