مهما كان يا زمان
الدام تستضيف أبراهيم سقاللة
محمود جريري
أحنا كنا البداية, هلأ أحنا النهاية
أسمع الحكاية, أسسنا أسس البناية
الأندلس أحتلينا, مشينا هلأ أحنا
أستوينا, وقعنا ولا مرة أستقرينا
السيف كان يكسر ظالم, يربّي كمان عالم
فاهم؟! هلأ ولا عربي منا سالم
عايشين بظلام, زي أيام الأصنام
كله كلام, عملونا مكسرين السلام
كان ياما كان, أمبراطورية من زمان
بس كل أشي مات, وكمان كله داب
كله غاب, بوجوه شعبي تسكروا الأبواب
التاريخ عاد, بس هالمرة الجهل زاد
وهلأ أحنا ثلاثة, أيد بأيد, جايين من
الحارة, نوصل بعيد, الضو آخر المغارة
النجدة, للوحدة العربية, أيد وحده
بنرجع تراثنا وعاداتنا الشعبية
أبراهيم سقاللة اللازمة:
مهما كان يا زمان
مهما دارت الأيام
الجراح والآلام
حتعدي مع الأيام
شعبي باقي مهما تلاقي
من خونه ومن ظلام
دايما يفدي, أرضه يحمي
بالدم وبالأجسام
سهيل النفار
من الجرب بصير المرض والمرض بلحق العرب
أحنا أهل الطرب بس قاعدين ننضرب
هاي كمان عربي هرب, وعن أصله تخلى
لأيمتا مقابر شعبنا بدها تضل تتملا
عدد الجثث بزيد, كمان وكمان
بس هلأ مع شباب ال DAM, أجيت عشان عشان
نوقف المدمنين, لشوفة دم العرب
والموت علينا بنتشر زي المرض
بننقرض ومش واعيين, زي الأطرش بالزفّة
لأيمتا بدنا نبيّن أنو بنسواش تفه
أوف, لأيمتا بدنا نضل عايشين بخوف
أوف, متوجهين للخواجات كأنهم ال BOSS
بس كل كلب بيجي يومه, واليوم أحنا الكلاب
أيد بأيد بنوصل بعيد وبنلفو هالدولاب
هون سهيل, جاي أطلع العرب من ال Hell
العنصرية, الكراهية والويل
أبراهيم سقاللة اللازمة:
مهما كان يا زمان
مهما دارت الأيام
الجراح والآلام
حتعدي مع الأيام
شعبي باقي مهما تلاقي
من خونه ومن ظلام
دايما يفدي, أرضه يحمي
بالدم وبالأجسام
تامر النفار
العرب بحكوا أنه الواحد يكون عربي يعني كنز
الخواجات بحكوا أه الواحد يكون عربي يعني سنج
وانا بحكي أه العربي هو أس, اللي ماضي مليان
كنز, أما اليوم نايم زي اللي داقينه أرة بنج
أوف, شوف, أيد وحده! ولا عمرها
بتزقف, دولاب الزمن بلفلف, كان يوم اللي
غيرنا كنا نضعف, متوقعين ولا مرة
رح نوقف, وهاينا بيوم اللي كلنا فيه بنأفأف
أوف, يا حكام أصحوا من المنام, أنقلب
الميزان, حرام يا شعبي حرام, عشان
جدادنا أذا بشفونا بتقلبوا بالقبوره
كيف هم أخترعوا الصفر وأحفادهم صاروا صفوره
من زمان, جبنا الدوا عالعالم, بس نسينا
نجيب دوا اللي يداوينا, شعب تايه, سفينه
بلا مينا, وأراضينا؟! يا حسرة على أراضينا
في عنا أملا, بس خسارة, انه بنحب نعيش تحتيها
أبراهيم سقاللة اللازمة:
مهما كان يا زمان
مهما دارت الأيام
الجراح والآلام
حتعدي مع الأيام
شعبي باقي مهما تلاقي
من خونه ومن ظلام
دايما يفدي, أرضه يحمي
بالدم وبالأجسام
أبراهيم سقاللة اللازمة:
مهما كان يا زمان
مهما دارت الأيام
الجراح والآلام
حتعدي مع الأيام
شعبي باقي مهما تلاقي
من خونه ومن ظلام
دايما يفدي, أرضه يحمي
بالدم وبالأجسام
