[المقدمة]
قاعد ع الإمة
وفي إيدي الدبلة
أنا شفت الحلوة
قمت أنا وراها
حمو موكا

[اللازمة]
يلا يا هليسة
حضروا الكيسة
الشغلة عويصة
هتدور مدبحة
هقطعكم أجزاء
هتلموا الأشلاء
شاكك دمي غباء
قلبت مرجحة

[المقطع الأول]
إرجع جيب على ورا يا مقشف
نو إستعراض لأحسن تتكتف
لأسحب خوجة من الجنب وأشلف
وأعمل چامب وأناولك خبطة
أنا يا عبيط بطلت مشاكل
مش خيبان من شخص مقاتل
الحبسة ولا بتعمل راجل
ولا بتشرف حد في حتة
[اللازمة]
قاعد ع الإمة
وفي إيدي الدبلة
أنا شفت الحلوة
قمت أنا وراها
عباية من أمريكا
محشية بكيكة
عودك فورتيكا
والشنطة واجاها

[المقطع الثاني]
وقفت ترطم بالأجنبي
قلت أنا مش فاهم والنبي
قالت باي باي أنا مش هابي
قلتلها طب إستني بليز
مشكلتي أنا لو شفت عباية
بتحركني دي من جوايا
دي عليها أنا ما بقولش حكاية
خدت رقمها، بتاع تنفيذ

[اللازمة]
هشربلي إزازة
وأنسى النرفزة
ما هي مالهاش عازة
أم العكننة
دورت مكنتي
أحرزت السونكي
على طقماية فانكي
وكاب الشبحنة
[المقطع الثالث]
بتدنجل من حارة لجيهة
ماشي طاير وإشارتي لاغيها
سكة سريعة أنا دايس فيها
وعادي أنا كابس ع الرادارات
ودماغي هبت مني في ثانية
قلت أرفع تاني أعلي الدنيا
ويا دوب برمي إزازتي التانية
شفت تلاتة زي الهلفات

[اللازمة]
بيقولي يا حتة
إنت منين يا أسطى
قلتله يا بروتة
نزل إيدك تحت
دخلتكم حلوة
تستاهل سقفة
لو عايزين صلصة
فالعب يلا بدأت

[المقطع الرابع]
بلعب جولة أنا خارج أرضي
هسحب أنط الچامب وأعدي
واحد منهم جاي بيجري
جبته على الأرض وقصيته
من ضهري هاخد شومة ملاوي
فوقت أنا من سكرتي لثواني
قمت جريت نطيت ع التاني
وإديته ذكرى علامة في وشه
[اللازمة]
راح جاري التالت
ينده للظابط
هجري أنا وهطارد
هوبا دخلت زقاق
تنجيد في الشارع
وأنا كده كده خالع
لقيت نفسي أنا طالع
وإدوني المايك

[المقطع الخامس]
شغل مهرجاناتي عليلي
واللي يحبنا يجي يا زميلي
أنا في الرقص زعيم تشكيلي
هوبا الويوا ويوا، كله نفركش
وجريت في الزحمة وكده قشطة
وأفتكر إني مكنتي نسيتها
رحت بنفسي عشان أنا أجيبها
الباشا قال هو إنت محشش

[اللازمة]
سلامتك يا دماغي
مش هشرب تاني
أنا إيه نساني
اللي أنا عملته
لو هتكلبشني
إوعى تفتشني
لأحسن تقفشني
سنتي في جيبي شايله

[الخاتمة]
ربنا يفكها علينا