Ana Maak

[المقطع الأول]
أنا ليك من الليلة
والدنيا بحالها حبيبي في إيدينا
أنا ليك، والليلة
بنشوف أحلامنا حبيبي بعينينا

[قبل اللازمة]
علشان اليوم دا أنا من سنين، يا حبيبي أنا من سنين
بتمنى في ليلة قلبي يلقاك
علشان اليوم دا حلمت بيك وأنا عارف هبقى ليك
عمري ما فكرت في لحظة أنساك

[اللازمة]
أنا معاك
أنا حقيقي جنبك، حقيقي معاك
أنا حبيبي شايفك، أنا وياك
هنا وياك

[المقطع الثاني]
يا زمان، خبينا
من الناس من كل الدنيا خبينا
يا زمان، ودينا
على دنيا بعيدة نعيش لوحدينا

[قبل اللازمة]
علشان اليوم دا أنا قلبي كان، سايب جواه مكان
بستنى في لحظة تيجي تملاه
علشان اليوم دا سنين كتير
وما فيش على بالي غير
إمتى اللي بحبه هبقى وياه

[اللازمة]
أنا معاك
أنا حقيقي جنبك، حقيقي معاك
أنا حبيبي شايفك، أنا وياك
هنا وياك
أنا معاك
أنا حقيقي جنبك، حقيقي معاك
أنا حبيبي شايفك، أنا وياك
هنا وياك