[المقطع الأول]
كل ما بتعلق بشغلة
الدنيي بتاخدا مني
ما بدي حبك إسمحلي
خوفي قلبي يوجعني
من فضلك لا تقرب روح
باقي عندي شوية روح
ما بتحمل بعد جروح
بعد جرح بيقتلني

[اللازمة]
يا مشاعر قلبي تهدي
والله دموعي حرقت خدي
كل ما بعشق برجع بغرق
مش عم لاقي حدا حدي
يا إيام الحب إنسيني
ضيعتيلي أحلى سنيني
ما برجعلك، قسوة قلبك
ياما بعيني فرجيتيني

[المقطع الثاني]
كل ما عم بمشي بطريق
وقرب أوصل للنهاية
قلبي ع الوجع بيفيق
وبرجع لنفس البداية
كل عمرا هالدنيي ضدي
وبتعمل عكس ما بدي
بتغفينا أنا وجروحي
ليليي ع ذات المخدة
[اللازمة]
يا مشاعر قلبي تهدي
والله دموعي حرقت خدي
كل ما بعشق برجع بغرق
مش عم لاقي حدا حدي
يا إيام الحب إنسيني
ضيعتيلي أحلى سنيني
ما برجعلك، قسوة قلبك
ياما بعيني فرجيتيني