Paroles de Fnaire "Yad l7enna"
[المقطع الأول : أشرف]
يد فيد، نبنيو مغرب الغد
سمي سمي خويا العزيز نوض تنمي
بلادي وبلادك عهد الحنة بيه نغني
شكون گال راه حنا معطلين موخرين
الارض مفرشة و حنايا اليوما سايرين
نقي ضميرك، وعي نفسك، او نوض تعب
مافيها باس نقيو الضمير كاملين
كلشي غايدير ايديه ليوم تتـــنمـــا لبلاد
من بعد ما نغلسو ايدينا بالحنة كاملين
بغيت بلادي تزيد لگدام ويطلع النور
باش نتهنا عليكم و يكون كلشي مبشور

[جسر : محسن تيزاف]
يد الحنة غادي تكون عاهد كل مغربي
صاين النفس وقلبو حار ياك اسيدي

[المطع الثاني : أشرف]
عيالات واشمات حرات زغاريد عالي
رجال شباب أطفال ليوما كلشي ناوي،بلادي تزيد لقدام الامية تزال
كلشي قاري وكلشي واعي فكلامنا شلة مثال،بيد الحنة نحيدو الراشي والغاشي
اوبيد الحنة نحيدو العاطل والعاصي
اوبيد الحنة نحيدو الظالم ونعاونو المظلوم
اوعهد الحنة غادي يبان بيه المضمون،الشيوخ هزو يديكم دعيو معانا
النسا ربـــيو ولادنا يمشيو معانا
الشباب غسلو بالحنة كلشي معانا اه
ايديا فيديكم ملكنا حاميكم

[اللازمة : محسن تيزاف]
بايــن حقي فبلادي بايــن بيد الحنة
دايــم عــزي فبـلادي دايم بيــد الحنة
عاهــدني ونعاهدك يامغربي بيد الحنة
بالنيــة نساهمو في التنمية بيد الحنة

[المقطع الثالث : خليفة]
كلمة أحسن من جوج
بكلمة وحدة بديت كلامي
التنمية حلم من احلامي
بيها حن فيا نحن فيك نديرو طريق وسط هاد الزحام
كبير وصغير كلشي يخدم نزيدو جميع خطوة لگدام
كلشي يهز معانا الهم، باش الخير علينا يعم
قطرة بقطرة يحمل الواد غير خدم غير زيد زعم
خويا المغربي ليك هاد لكلام
بيد الحنة علي معايا هاد لعلام،بالحنة والمحنة نخرجو جميع من هاد المحنة
كلشي يصفي من عندو نعيشو فبلادنا الهنا
كلامي لداك الي ناسي قيمة هاد البلاد
بيد الحنة نوض جمع معايا العتاد
[جسر : محسن تيزاف]
بــها رايـــة البلاد راها عــاليــة فالسمــاء
بها تشوف الخير بها تشوف الناس مبسمة

[المقطع الرابع : خليفة]
نوضو حاربوا الفساد ، حاربو الجهل يا لولاد
يولي منا مهندس يولي منا استاذ
نوضو وقفو العماد ولخيمتنا نكونو وتاد
عمر بحالنا ماكان ولا عمر بحالنا يكون
عولنا على الشقا باش لخير لولادنا يدوم
بيد الحنة نفوتو المحنة و الي داز على الراس يهون
قبل كانت المسيرة بها ردينا الصحراء
اليوم التنمية نردو بها الصحراء خضرا
نديروا يد فيد باركا علينا من الهضرة

[اللازمة : محسن تيزاف]
بايــن حقي فبلادي بايــن بيد الحنة
دايــم عــزي فبـلادي دايم بيــد الحنة
عاهــدني ونعاهدك يامغربي بيد الحنة
بالنيــة نساهمو في التنمية بيد الحنة

[جسر : محسن تيزاف]
وخا ينسى بنادم ما يسمع
وخا ينسى الفنان ما يبدع
بيد الحنة وبدم مغربي هاني
بلادي من ننساك اوعايش فمحاني
وخا ينسى الدري مايرضع
وخا تنسى العين ما تدمع
من ننساك اخويا و ما تنساني
فناير ديما معاك او كون هاني
[اللازمة : محسن تيزاف]
بايــن حقي فبلادي بايــن بيد الحنة
دايــم عــزي فبـلادي دايم بيــد الحنة
عاهــدني ونعاهدك يامغربي بيد الحنة
بالنيــة نساهمو في التنمية بيد الحنة