El Wad El Abeet - الواد العبيط

[المقدمة]
أنا اللي قولتوا عليه ساذج وطيب
وأنا اللي هتقولوا إتغير قريب
ما بقاش بيقول وماله
بقى بيفكر في حاله
شاف جروحه
فاق لروحه
والنهاردة خلاص

[اللازمة]
مات الواد العبيط
داس على كل اللي فات
مات الواد العبيط
كان طيب بس مات

[المقطع الأول]
شالت عيونه الغيامة
ماضي وراح بالسلامة
شاف كدب الوشوش
ماتت حياته البريئة
بانت قصاده الحقيقة
شاف ناس ما يساووش

[اللازمة]
ومات الواد العبيط
داس على كل اللي فات
ومات الواد العبيط
كان طيب بس مات
[المقطع الثاني]
سيبوا حياتي وكفاية
خلصت معاكوا الحكاية
لا، ده كان زمان
كل اللي فات إسمه غلطة
قلبي شبعان من الأونطة
وفيه مالكوش مكان

[اللازمة]
ومات الواد العبيط
داس على كل اللي فات
ومات الواد العبيط
كان طيب بس مات

[جسر]
أنا ماشي ومش مسامح، أستنى ليه؟
ونسيت كل اللي رايح وهدوس عليه
بوجودكم في حكاياتي أنا قلبي تاه
وأما نسيتكم حياتي رجعت حياة

[اللازمة]
ومات الواد العبيط
داس على كل اللي فات
مات الواد العبيط
كان طيب بس مات
مات الواد العبيط
داس على كل اللي فات
ومات الواد العبيط
كان طيب بس مات
[الخاتمة]
مات الواد العبيط
مات الواد العبيط